8 ແຂວງຂອງຫວຽດນາມ ແລະ ລາວ ຈັດກອງປະຊຸມສ່ອງແສງ ວຽກງານປ້ອງກັນ ແລະ ຕ້ານຢາເສບຕິດ ຢູ່ ແຂວງເງ້ອານ

10:27 2019/09/16

ຍສໝ - ຮອງປະທານຄະນະກຳມະການປະຊາຊົນແຂວງ ທ່ານນາງ ເລ ຫງັອກ ຮວາ ໄດ້ສະແດງຄວາມຄາດຫວັງວ່າ ກອງປະຊຸມສ່ອງແສງ ກ່ຽວກັບວຽກງານສະກັດກັ້ນ ແລະ ຕ້ານຢາເສບຕິດ ລະຫວ່າງ 8 ແຂວງຂອງຫວຽດນາມ - ລາວ ຄັ້ງທີ 19 ປີ 2019 ຈະດຳເນີນໄປດ້ວຍຄວາມສຳເລັດ, ເປັນຂີດໝາຍ ແຫ່ງການພັດທະນາໃໝ່ ໃນການປະສານສົມທົບກັນເພື່ອປ້ອງກັນ ແລະ ຕ້ານຢາເສບຕິດ ລະຫວ່າງ ຫວຽດນາມ ແລະ ລາວ.

8 ແຂວງຂອງຫວຽດນາມ ແລະ ລາວ ຈັດກອງປະຊຸມສ່ອງແສງ ວຽກງານປ້ອງກັນ ແລະ ຕ້ານຢາເສບຕິດ ຢູ່ ແຂວງເງ້ອານ

ຕອນບ່າຍວັນທີ 15 ກັນຍາ, ຢູ່ເທດສະບານເມືອງ ເກື້ອລໍ, ບັນດາການນຳຄະນະກຳມະການປະຊາຊົນແຂວງເຫງະອານໄດ້ໃຫ້ການຕ້ອນຮັບ ແລະ ຊົມເຊີຍບັນດາຜູ້ແທນທີ່ມາເຂົ້າຮ່ວມກອງປະຊຸມສ່ອງແສງກ່ຽວກັບການຕ້ານ ແລະ ສະກັດກັ້ນຢາເສບຕິດ ລະຫວ່າງ 8 ແຂວງເຊິ່ງປະກອບມີ: ແຂວງຫົວພັນ, ຫລວງພະບາງ , ຜົ້ງສາລີ, ຊຽງຂວາງ (ສປປ ລາວ); ແຂວງເຫງະອານ, ແທັງຫວ໋າ, ເຊີນລາ ແລະ ດ້ຽນບຽນ(ສສ ຫວຽດນາມ).

ຮອງປະທານຄະນະ ກຳມະການປະຊາຊົນແຂວງເຫງະອານ ທ່ານ ເລ ຫງັອກ ຮວາ ໄດ້ກ່າວຕ້ອນຮັບບັນດາຜູ້ແທນ ສປປ ລາວ. (ພາບ: ແທັງເລ)

ທີ່ການຕ້ອນຮັບຄະນະຜູ້ແທນ ແຂວງເຫງະອານ ປະກອບມີ: ສະຫາຍ ພົນຈັນຕະວາ ຫງວຽ໋ນ ຫິວ ເກົ່າ - ກຳມະການຄະນະປະຈຳພັກແຂວງ, ຫົວໜ້າພະແນກປ້ອງກັນຄວາມສະຫງົບແຂວງ; ສະຫາຍ ເລ ຫງັອກ ຮວາ - ຮອງປະທານຄະນະ ກຳມະການປະຊາຊົນແຂວງ, ຕາງໜ້າການນຳບັນດາພະແນກ ແລະ ອົງການຈັດຕັ້ງຂັ້ນແຂວງ ເຂົ້າຮ່ວມຢ່າງພ້ອມພຽງ.

ຝ່າຍ ສປປ ລາວ ປະກອບມີ: ສະຫາຍ ແພງ ຂັນຍະພິມ- ຮອງເລຂາພັກແຂວງ, ຮອງເຈົ້າແຂວງໆຫົວພັນ; ສະຫາຍ ທອງສີ ເສົາສຸລິພິມ - ຮອງເຈົ້າແຂວງຜົ້ງສາລີ; ຕ່າງໜ້າບັນດາແຂວງຫຼວງພະບາງ, ຫົວພັນ, ຊຽງຂວາງ ແລະ ແຂວງຜົ້ງສາລີ (ສປປ ລາວ);  ຕາງໜ້າການນຳບັນດາແຂວງແທັງຫວ໋າ, ເຊີນລາ ແລະ ດ້ຽນບຽນ (ສສ ຫວຽດນາມ);  ຕາງໜ້າ ກະຊວງປ້ອງກັນຄວາມສະຫງົບລາວ ແລະ ກະຊວງຕຳຫຼວດຫວຽດນາມ ໄດ້ເຂົ້າຮ່ວມກອງປະຊຸມຢ່າງພ້ອມພຽງ.

ທ່ານນາງ ແພງ ຂັນຍະພິມ - ຮອງເລຂາພັກແຂວງ, ຮອງເຈົ້າແຂວງໆຫົວພັນໄດ້ກ່າວປາໄສໃນພິທີຕ້ອນຮັບ. (ພາບ: ແທັງເລ)

ກອງປະຊຸມສ່ອງແສງນີ້ໄດ້ຮັບການຈັດມາເປັນປະຈຳ, ປີນີ້ ແຂວງເຫງະອານ ໄດ້ເປັນປະທານຈັດກອງປະຊຸມສ່ອງແສງ ກ່ຽວກັບການປ້ອງກັນ, ຕ້ານຢາເສບຕິດຄັ້ງທີ 19 ລະຫວ່າງ 8 ແຂວງ ຫວຽດນາມ - ລາວ.

ກ່າວຄຳເຫັນໃນພິທີ, ທ່ານຮອງປະທານຄະນະກຳມະການປະຊາຊົນແຂວງເຫງະອານ ທ່ານ ຫງັອກ ຮວາ ໄດ້ສະແດງຄວາມປິຕິຍິນດີທີ່ໄດ້ຕ້ອນຮັບບັນດາສະຫາຍການນຳ ທີ່ຕາງໜ້າຄະນະຜູ້ແທນເຂົ້າຮ່ວມກອງປະຊຸມ.

ນີ້ແມ່ນໂອກາດດີເພື່ອໃຫ້ບັນດາແຂວງເພີ່ມທະວີຄວາມສາມັກຄີ, ມິດຕະພາບ, ການຮ່ວມມື ແລະ ພັດທະນາ ລະຫວ່າງບັນດາກຳລັງເຈົ້າໜ້າທີ່ 8 ແຂວງ ໃນວຽກງານການປ້ອງກັນ ແລະ ຕ້ານຢາເສບຕິດ. ພ້ອມກັນນັ້ນ, ກໍ່ແມ່ນໂອກາດເພື່ອໃຫ້ ແຂວງເຫງະອານ ມີໂອກາດແນະນຳໃຫ້ປະເທດເພື່ອນລາວ ແລະ ບັນດາແຂວງ ກ່ຽວກັບດິນແດນ, ຜູ້ຄົນທີ່ເປັນກັນເອງ ແລະ ມີນໍ້າໃຈຕ້ອນຮັບແຂກ.

ທ່ານ ເລ ຫງັອກ ຮວາ , ຮອງປະທານຄະນະກຳມະການປະຊາຊົນແຂວງ ເຫງະອານ, ກໍ່ໄດ້ສະແດງຄວາມຫວັງວ່າ ກອງປະຊຸມສ່ອງແສງວຽກງານການສະກັດກັ້ນ ແລະ ຕ້ານ ຢາເສບຕິດ ລະຫ່ວາງ 8 ແຂວງ ຫວຽດນາມ-ລາວ ຄັ້ງທີ 19 ປະຈຳສົກປີ 2019 ຈະດຳເນີນໄປດ້ວຍຄວາມສຳເລັດ, ເປັນຂີດໝາຍ, ບາດກ້າວການພັດທະນາໃໝ່ດີຂື້ນກວ່າ ໃນການປ້ອງກັນ ແລະ ສະກັດກັ້ນຢາເສບຕິດ ລະຫວ່າງ ຫວຽດນາມ ແລະ ລາວ.

ບັນດາການນຳແຂວງເຫງະອານໄດ້ມອບດອກໄມ້ເພື່ອຕ້ອນຮັບບັນດາຜູ້ແທນ ແຫ່ງສປປ ລາວ. (ພາບ: ແທັງເລ)

ຕອນເຊົ້າຂອງວັນທີ (16 ກັນຍາ), ກອງປະຊຸມສ່ອງແສງ ວຽກງານສະກັດກັ້ນ ແລະ ຕ້ານຢາເສບຕິດ ໃຫຍ່ຄັ້ງທີ 19 ປະຈຳສົກປີ 2019 ຈະໄດ້ຈັດຂື້ນ ຢູ່ເທດສະບານເມືອງເກື້ອລໍ່  (ແຂວງເຫງະອານ).

ຢູ່ພານນອກລາຍການ, ຄະນະຈັດຕັ້ງພິທີໄດ້ຈັດກິດຈະ ກຳອື່ນໆໃຫ້ບັນດາຜູ້ແທນ ມີໂອກາດໄປຢ້ຽມຢາມ ແລະ ຊອກຮູ້ກ່ຽວກັບທີ່ດິນເຫງະອານ - ບ້ານເກີດຂອງປະທານໂຮ່ຈີມິນ.

 

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll