ແຂວງກວາງຈີ໋ ຕັ້ງໜ້າພະຍາຍາມສ້າງເສັ້ນຊາຍແດນຮ່ວມມືພັດທະນາກັບບັນດາແຂວງຂອງລາວ

11:30 2019/09/30

ຍສໝ - ວັນທີ 27 ກັນຍາ, ທີ່ແຂວງສາລະວັນ, ລາວ ໄດ້ດໍາເນີນການພົບປະເຈລະຈາປະຈໍາປີກ່ຽວກັບວຽກງານຊາຍແດນປີ 2019 ລະຫວ່າງສາມແຂວງກວາງຈີ໋, ສາລະວັນ, ສະຫວັນນະເຂດ.

ທີ່ການພົບປະເຈລະຈາ, ສາມແຂວງໄດ້ເຫັນດີເປັນເອກະພາບລົງນາມໃນບົດບັນທຶກການພົບປະເຈລະຈາປະຈໍາປີ 2019 ລະຫວ່າງແຂວງກວາງຈີ໋, ສາລະວັນ, ສະຫວັນນະເຂດດ້ວຍບັນດາເນື້ອໃນຕົ້ນຕໍ, ຄື: ສອງຝ່າຍສືບຕໍ່ສົມທົບກັນຜັນຂະຫຍາຍການປະຕິບັດ “ອະນຸສັນຍາກ່ຽວກັບຊາຍແດນ ແລະຫຼັກໝາຍຊາຍແດນ”, “ສັນຍາວ່າດ້ວຍລະບຽບການຄຸ້ມຄອງຊາຍແດນ ແລະດ່ານຊາຍແດນຢູ່ເຂດດິນຕໍ່ແຜນຫວຽດນາມ-ລາວ” ເຊິ່ງສອງປະເທດໄດ້ລົງນາມໃນປີ 2016 ເປັນຢ່າງດີ.

ການນໍາສາມແຂວງລົງນາມໃນບັນດາເນື້ອໃນຮ່ວມມືທີ່ການພົບປະເຈລະຈາປະຈໍາປີ 2019. ພາບ: baodautu.vn.

ເຫັນດີເປັນເອກະພາບຊີ້ນໍາບັນດາກໍາລັງທີ່ກ່ຽວຂ້ອງສົມທົບກັນຢ່າງແໜ້ນແຟ້ນໃນການແລກປ່ຽນບົດຮຽນ, ແບ່ງປັນຂໍ້ມູນຂ່າວສານໃນວຽກງານການທະຫານ, ປ້ອງກັນຄວາມສະຫງົບ ແລະຊາຍແດນ; ສົມທົບກັນຕໍ່ສູ້ຕ້ານ, ສະກັດກັ້ນ ແລະແກ້ໄຂທຸກການກະທໍາລ່ວງລະເມີດຢູ່ເສັ້ນຊາຍແດນ, ຫຼັກໝາຍຊາຍແດນແຫ່ງຊາດ, ລະເມີດລະບຽບການຊາຍແດນຢ່າງທັນການ; ຕ້ານ ແລະສະກັດກັ້ນອາດຊະຍາກໍາຂ້າມຊາຍແດນ, ຕໍ່ສູ້ເຮັດໃຫ້ທຸກກົນອຸບາຍ, ເລ່ລຽມຂອງບັນດາອິດທິກຳລັງທີ່ເປັນປໍລະປັກທີ່ສ້າງຜົນສະທ້ອນເຖິງຄວາມໝັ້ນຄົງ, ຄວາມເປັນລະບຽບຮຽບຮ້ອຍຢູ່ເຂດຊາຍແດນຫວຽດນາມ-ລາວ ຖືກປະຊາໄຊ.

ສອງຝ່າຍສົ່ງເສີມ ແລະສ້າງເງື່ອນໄຂສະດວກເພື່ອໃຫ້ບັນດານັກທຸລະກິດຢູ່ເຂດຊາຍແດນຍູ້ແຮງການເຄື່ອນໄຫວດ້ານການຄ້າຢູ່ເຂດຊາຍແດນໂດຍຜ່ານບັນດາຄູ່ດ່ານຊາຍແດນລາໄລ (ກວາງຈີ໋)-ລາໄລ (ສະຫວັນນະເຂດ) ແລະບັນດາຄູ່ດ່ານຊາຍແດນສໍາຮອງ...

ກ່າວຄໍາເຫັນທີ່ການພົບປະເຈລະຈາ, ທ່ານ ຮ່າສີດົ່ງ ຮອງປະທານຄະນະກໍາມະການປະຊາຊົນແຂວງກວາງຈີ໋ ໃຫ້ຮູ້ວ່າ: ເພື່ອເສີມຂະຫຍາຍບັນດາເນື້ອໃນລົງນາມບົນພື້ນຖານສາຍພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງສອງປະເທດຫວຽດນາມ-ລາວ ຢ່າງມີປະສິດທິຜົນ. ສະເໜີຄະນະຊີ້ນໍາເຂດຊາຍແດນແຂວງກວາງຈີ໋-ສາລະວັນ-ສະຫວັນນະເຂດ ສືບຕໍ່ສົມທົບກັນຜັນຂະຫຍາຍການປະຕິບັດບັນດາດຳລັດ, ສັນຍາກ່ຽວກັບຊາຍແດນທີ່ລັດຖະບານສອງປະເທດໄດ້ລົງນາມໃນປີ 2016. ຊີ້ນໍາກໍາລັງທີ່ກ່ຽວຂ້ອງສົມທົບກັນຕໍ່ສູ້ຕ້ານ ແລະສະກັດກັ້ນບັນດາອາດຊະຍາກໍາຂ້າມຊາດ, ເຮັດໃຫ້ກົນອຸບາຍ, ເລ່ລ່ຽມຂອງອິດທິກຳລັງທີ່ເປັນປໍລະປັກທີ່ກໍ່ຜົນສະທ້ອນເຖິງຄວາມໝັ້ນຄົງ, ຄວາມເປັນລະບຽບຮຽບຮ້ອຍຢູ່ເຂດຊາຍແດນຫວຽດນາມ-ລາວ ຖືກປະລາໄຊ.

ຊີ້ນໍາບັນດາພະແນກ, ຂະແໜງການ, ທ້ອງຖິ່ນທີ່ກ່ຽວຂ້ອງຜັນຂະຫຍາຍການປະຕິບັດບັນດາເນື້ອໃນເອກະສານຂໍ້ຕົກລົງຮ່ວມມືລະຫວ່າງຄະນະຜູ້ແທນຂັ້ນສູງແຂວງກວາງຈີ໋-ສະຫວັນນະເຂດ, ກວາງຈີ໋-ສາລະວັນ ໄລຍະ 2020-2022 ຢ່າງມີປະສິດທິຜົນ...

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll