ເສີມສ້າງມິດຕະພາບ ແລະ ການຮ່ວມມື ກັບ ແຂວງພາກໃຕ້ລາວ

12:05 2019/07/19

ຍສໝ - ປະຕິບັດສັນຍາການຮ່ວມມືໃນຂົງເຂດການເມືອງ, ເສດຖະກິດ, ວັດທະນະທໍາ, ສັງຄົມ, ຄວາມສະຫງົບ, ປ້ອງກັນປະເທດ ລະຫວ່າງ ພັກ, ລັດ ແລະ ລັດຖະບານ ແຫ່ງ ສປປ ລາວ, ໃນຊຸມປີມໍ່ໆມານີ້, ສາຍພົວພັນມິດຕະພາບ, ການຮ່ວມມືຮອບດ້ານ ລະຫວ່າງ ແຂວງກອນຕູມ ກັບ ແຂວງພາກໃຕ້ຂອງລາວ ນັບມື້ນັບມີຄວາມໝັ້ນຄົງ, ບັນລຸໄດ້ໝາກຜົນອັນຈົບງາມ...

ເສີມສ້າງມິດຕະພາບ ແລະ ການຮ່ວມມື ກັບ ແຂວງພາກໃຕ້ລາວ

ໂດຍສະເພາະແມ່ນໃນເດືອນພະຈິກ ປີ 2018, ແຂວງ ກອນຕູມ  ປະສານງານກັບກອງບັນຊາການທະຫານຊາຍແດນຫວຽດນາມ ເພື່ອຈັດລາຍການ ພົວພັນ ລະຫວ່າງ ຫວຽດນາມ - ລາວ - ກໍາປູເຈຍ ຄັ້ງທໍາອິດ. ໃນທີ່ນີ້, ລັດຖະບານແຂວງໄດ້ແລກປ່ຽນໃນການຈັດຕັ້ງປະຕິບັດບັນດາຂໍ້ຕົກລົງ ຮ່ວມມື ໃນຂົງເຂດການຕ່າງປະເທດ, ເສດຖະກິດ, ສຶກສາ, ວັດທະນະທໍາ ແລະ ສັງຄົມ; ສະພາບການຈັດຕັ້ງປະຕິບັດກໍ່ຄືຜັນຂະຫຍາຍເນື້ອໃນການຮ່ວມມື ໃນເຂດສາມຫຼ່ຽມພັດທະນາ; ກິດຈະກໍາປະສານງານລະຫວ່າງ ທະຫານຊາຍແດນກອນຕູມ ແລະ ທະຫານຊາຍແດນ 3 ແຂວງ ອັດຕະປື, ເຊກອງ ສປປ ລາວ ແລະ ຣັດຕະນະຄີລີ ຂອງ ກຳປູເຈຍ; ການຈັດຕັ້ງປະຕິບັດໂຄງການທີ່ກ່ຽວຂ້ອງ ກັບ ການພັດທະນາເສດຖະກິດ ການຕ່າງປະເທດໃນເຂດຊາຍແດນ...

ການນໍາ 2 ແຂວງ ກອນຕູມ -ອັດຕະປື ໄປຢ້ຽມຢາມ ງານວາງສະແດງ ເສດຖະກິດ ທີ່ຈັດຂຶ້ນຢູ່ ແຂວງອັດຕະປື (ລາວ). (ພາບ: baokontum.com.vn)

ທ່ານນາງ ອີ ລີ ຈາງ  ຫົວໜ້າພະແນກ ການຕ່າງປະເທດ ກ່າວວ່າ: ໃນດ້ານການຕ່າງປະເທດ, ຈາກປີ 2018 ເຖິງຕອນນີ້, ແຂວງ ກອນຕູມ  ໄດ້ສົ່ງຄະນະຜູ້ແທນຫຼາຍກວ່າ 40 ຄົນມາຢ້ຽມຢາມ ແລະ ເຮັດວຽກຢູ່ ບັນດາແຂວງພາກໃຕ້ຂອງລາວ. ນອກຈາກນັ້ນ, ແຂວງກໍ່ຍັງໄດ້ຕ້ອນຮັບຫຼາຍກວ່າ 30 ຄະນະປະຕິບັດງານ ຂອງບັນດາແຂວງພາກໃຕ້ ຂອງ ລາວ ໄປຢ້ຽມຢາມ ແລະ ເຮັດວຽກ, ປຶກສາຫາລືແຜນການຮ່ວມມື, ການລົງທຶນ, ການປະສານງານ ເພື່ອປົກປ້ອງຄວາມສະຫງົບສຸກຊາຍແດນ, ໂດຍສະເພາະແມ່ນການຊຸກຍູ້ເສີມຂະຫຍາຍການຮ່ວມມື ລະຫວ່າງ ຫວຽດນາມບລາວ.

ແຂວງ ກອນຕູມ  ແລະ ບັນດາແຂວງພາກໃຕ້ຂອງປະເທດລາວ ຍາມໃດຊ່ວຍເຫຼືອຍູ້ຫນູນ, ສະໜອງຂໍ້ມູນ ກ່ຽວກັບທຸລະກິດຂອງແຕ່ລະແຕ່ລະຝ່າຍ ເພື່ອຮ່ວມມືໃນການລົງທຶນ, ຂຸດຄົ້ນທ່າແຮງ , ຄວາມສາມາດບົ່ມຊ້ອນຂອງແຕ່ລະແຂວງ. ແຂວງ ກອນຕູມ ປະຈຸບັນມີ 2 ວິສາຫະກິດລົງທຶນ ຢູ່ ສປປ ລາວ ໂດຍຜ່ານ 2 ໂຄງການເຊິ່ງມີທຶນຈົດທະບຽນທັງຫມົດປະມານ 747 ຕື້ດົ່ງ, ປະກອບມີ ປູກຕົ້ນໄມ້ອຸດສາຫະກໍາ (ປູກຢາງພາລາ) ແລະ ການຂຸດຄົ້ນ ບໍ່ແຮ່ (ທອງ, ວັດສະດຸກໍ່ສ້າງ).

ແຂວງ ກອນຕູມ  ກໍາລັງສ້າງໂຄງການ ດ່ານຊາຍແດນສາກົນ ເບີ່ອີ ພາຍໃຕ້ການຊີ້ນໍາ ລັດຖະບານຫວຽດນາມ ໂດຍມີມູນຄ່າການລົງທຶນທັງຫມົດ 33 ຕື້ດົ່ງ, ຄາດຄະເນວ່າຈະສໍາເລັດ ແລະ ນໍາໃຊ້ ໃນເດືອນທັນວາ 2019 . ທີ່ນີ້ຈະເປັນຈຸດພັກຂອງນັກທ່ອງທ່ຽວ, ສ້າງສະພາບແວດລ້ອມ ທີ່ດີເພື່ອດຶງດູດນັກລົງທຶນພາຍໃນ ແລະ ຕ່າງປະເທດໃຫ້ເຂົ້າມາລົງທຶນໃນເຂດເສດຖະກິດດ່ານສາກົນເບີ່່ອີ, ເຊິ່ງຈະປະກອບສ່ວນຮັບປະກັນ ວຽກງານປ້ອງກັນຊາດ-ຄວາມສະຫງົບ ເຂດຊາຍ ລະຫວ່າງ 3 ປະເທດ.

ບັນດານ້ອງນັກຮຽນທີ່ໄດ້ຮັບທືນການສຶກສາຈາກແຂວງກອນຕູມ. (ພາບ: baokontum.com.vn)

ນອກຈາກນັ້ນ, ແຂວງ ກອນຕູມ ໄດ້ສະຫນັບສະຫນູນ 1 ຕື້ດົ່ງ ໃຫ້ເມືອງດັກຈຶງ (ແຂວງເຊກອງ) ເພື່ອກໍ່ສ້າງໂຮງຮຽນກິນນອນ; ກອງບັນຊາການທະຫານຊາຍແດນແຂວງ ໄດ້ຈັດຕັ້ງການກວດສຸຂະພາບ, ແຈກຢາປົວພະຍາດໂດຍບໍ່ເສຍຄ່າ ໃຫ້ແກ່ປະຊາຊົນບ້ານທົ່ງໄກໂອກ, ເມືອງສານໄຊ (ແຂວງອັດຕະປື) ແລະ ບ້ານດັກບາ, ເມືອງດັກຈຶງ (ແຂວງເຊກອງ) ມູນຄ່າ 133 ລ້ານດົ່ງ; ກອງບັນຊາການທະຫານ ແຂວງໄດ້ໄປຢ້ຽມຢາມ, ໄດ້ຂອງຂວັນ , ກວດກາສຸກຂະພາບ ໃຫ້ແກ່ປະຊາຊົນ ແຂວງອັດຕະປື ທີ່ມີມູນຄ່າ 160 ລ້ານດົ່ງ; ສະພາກາແດງແຂວງ ໂດຍຮ່ວມມືກັບ ສະພາ ກາແດງ ນະຄອນໂຮຈິມິນ, ບັນດາຜູ້ສະຫນັບສະຫນູນໄດ້ຈັດຕັ້ງ ການກວດສຸຂະພາບ ມະນຸດສະທໍາ ແລະ ມອບທືນການສຶກສາ ໃຫ້ແກ່ນັກຮຽນທຸກຍາກ ຈຳນວນ 300 ຄົນ ຂອງເມືອງ ພູວົງ ເຊິ່ງເປັນມູນຄ່າ 147 ລ້ານດົ່ງ;  ກວດກາສຸຂະພາບ ແລະ ມອບທືນການສຶກສາໃຫ້ ນັກຮຽນທຸກຍາກຈຳນວນ 500 ຄົນຢູ່ ເມືອງ ສານໄຊ ມູນຄ່າ 160 ດົ່ງ; ຄະນະກຳມະການປະຊາຊົນແຂວງ, ຂະແໜງການ, ອຳນາດການປົກຄອງ ແລະ ທ້ອງຖິ່ນແຂວງກອນຕູມ ໄດ້ຊ່ວຍເຫຼືອຢ່າງທັນທ່ວງທີໃຫ້ແກ່ປະຊາຊົນເຂດປະສົບອົກທົກກະໄພ ໃນເຫດການເຂື່ອນເຊປຽນເຊນຳ້ນອ້ຍແຕກ ຢູ່ເມືອງສະໜາມໄຊ, ແຂວງອັດຕະປື ມູນຄ່າ 1 ຕື້ດົ່ງ...

ຫັດ​ທະ​ບູນ
;

同类别新闻