ເພີ່ມທະວີ ການຮ່ວມມື ດ້ານມະນຸດສະທຳ ລະຫວ່າງ ແຂວງສາລະວັນ-ແຂວງເທື່ອທຽນເຫວ້

13:53 2018/09/18

ມື້ວານນີ້, ອົງການກາແດງ ແຂວງສາລະວັນ ສປປ ລາວ ກັບ ສະພາກາແດງ ແຂວງເທື່ອທຽນເຫວ້ ສສ ຫວຽດນາມ ​ໄດ້ເຊັນສັນຍາການຮ່ວມມືດ້ານມະນຸດສະທຳ ໄລຍະ 2018-2022.

ເພີ່ມທະວີ ການຮ່ວມມື ດ້ານມະນຸດສະທຳ ລະຫວ່າງ ແຂວງສາລະວັນ-ແຂວງເທື່ອທຽນເຫວ້
ທ່ານ ອິນປົງ ຈັນທະມາດ  ຫົວໜ້າ ອົງການກາແດງ ແຂວງສາລະວັນ ແລະ ທ່ານ ຫງວ໋ຽນງ໋ອກ ຮຸງ  ປະທານສະພາກາແດງ ແຂວງເທື່ອທຽນເຫວ້  ສສ ຫວຽດນາມ.

ໂດຍການ​ຮ່ວມ​ລົງ​ນາມ  ລະຫວ່າງ ທ່ານ ອິນປົງ ຈັນທະມາດ  ຫົວໜ້າ ອົງການກາແດງ ແຂວງສາລະວັນ  ກັບ ທ່ານ ຫງວ໋ຽນງ໋ອກ ຮຸງ  ປະທານສະພາກາແດງ ແຂວງເທື່ອທຽນເຫວ້  ສສ ຫວຽດນາມ ແລະ ມີ​ພາກສ່ວນ​ກ່ຽວຂ້ອງ​ສອງ​ຝ່າຍ ​ເຂົ້າ​ຮ່ວມ​ເປັນ​ສັກຂີ​ພິຍານ.

ການ​ເຊັນ​ສັນຍາ​ຄັ້ງ​ນີ້  ກໍເພື່ອເພີ່ມທະວີສາຍພົວພັນໃຫ້ແໜ້ນແກ່ນ  ແລະ ການຮ່ວມມື ໃນວຽກງານການເຄື່ອນໄຫວດ້ານມະນຸດສະທຳ  ໂດຍສະເພາະການປະສານສົມທົບ  ກວດພະຍາດມະນຸດສະທຳ,  ຈ່າຍຢາຍົກເວັ້ນຄ່າ,  ມອບຂອງຕ້ອນໃຫ້ແກ່ຄອບຄົວທຸກຍາກ,  ສ້າງກິດຈະກຳມະນຸດສະທຳ,  ພັດທະນາບັນດາຮູບການເຄື່ອນໄຫວມະນຸດສະທຳທີ່ມີປະສິດທິຜົນ  ແລະ ຝຶກອົບຮົມ ເພື່ອຍົກສູງຄວາມສາມາດ; ທັງເປັນການແລກປ່ຽນຂ່າວສານ ກ່ຽວກັບວຽກງານອົງການ ແລະ ຂະບວນການຂອງແຕ່ລະອົງການກາແດງ, ບັນດາຮູບການເຄື່ອນໄຫວໃໝ່, ບົດຮຽນດີໃນການເຄື່ອນໄຫວມະນຸດ ສະທຳ,  ບົດຮຽນໃນ ການເພີ່ມທະວີສາຍພົວພັນ ກັບບັນດາຄູ່ຮ່ວມມື ໃນການເຄື່ອນໄຫວໃນທ້ອງຖິ່ນ, ທົ່ວປະເທດ ແລະ ສາກົນ; ທັງເປັນການແລກປ່ຽນບົດຮຽນ ວຽກງານສະກັດກັ້ນຕ້ານໄພພິບັດ,  ວຽງການຊ່ວຍເຫລືອສັງຄົມ  ແລະ ບໍລິຈາກເລືອດແບບສະໝັກໃຈ ໂດຍບໍ່ຫວັງສິ່ງຕອບແທນ.

​ໂອກາດ​ດຽວກັນ,  ສະພາກາແດງເທື່ອທຽນເຫ້ວ  ຍັງໄດ້ມອບທຶນລ້ຽງງົວ ມູນຄ່າ 150 ລ້ານດົງ  ໃຫ້ແກ່ອົງການກາແດງແຂວງ  ແລະ ງົວ ຈຳນວນ 10 ໂຕ ໃຫ້ຄອບຄົວທີ່ທຸກຍາກຕື່ມອີກ

(ແຫຼ່ງ​ຂໍ້​ມູນ​: ຂ​ປ​ລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll