ເພີ່ມທະວີການປະສານສົມທົບ ໃນການເຄື່ອນໄຫວ ຢູ່ ດ່ານສາກົນ ເບີ່ອີ-ພູເກືອ

00:54 2019/05/13

ຍສໝ - ວັນທີ 19 ມັງກອນ, ຄະນະຄຸ້ມຄອງ ເຂດເສດຖະກິດ ກອນຕູມ ໄດ້ໃຫ້ຮູ້ວ່າ, ຄະນະຄຸ້ມຄອງ ດ່ານສາກົນເບີ່ອີ (ຫວຽດນາມ) ແລະ ຄະນະຄຸ້ມຄອງ ດ່ານສາກົນພູເກືອ (ລາວ) ຫາກໍ່ສຳເລັດການຈັດຕັ້ງກອງປະຊຸມຕີລາຄາ ການປະຕິວັດວຽກງານໃນປີ 2018 ລະຫ່ວາງສອງດ່ານ.

ເພີ່ມທະວີການປະສານສົມທົບ ໃນການເຄື່ອນໄຫວ ຢູ່ ດ່ານສາກົນ ເບີ່ອີ-ພູເກືອ
ກອງປະຊຸມຕີລາຄາວຽກງານສົມທົບກັນປີ 2018 ລະຫວ່າງສອງດ່ານສາກົນເບີອີ-ພູເກືອ. (ພາບ: baodautu.vn)

ເຂົ້າຮ່ວມໃນກອງປະຊຸມ ປະກອບມີ ທ່ານ ຟ້າມ ແທັງຮ່າ ກຳມະການ ຄະນະປະຈຳພັກແຂວງ, ຫົວໜ້າຄະນະກຳມະການຄຸ້ມຄອງ ເຂດເສດຖະກິດແຂວງ ກອນຕູມ, ຫົວໜ້າຄຸ້ມຄອງດ່ານຊາຍແດນ ສາກົນ ເບີ່ອີ ແລະ ທ່ານ ຄຳພັນ ແກ້ວນາລີ ຮອງຫົວໜ້າຄະນະຄຸ້ມຄອງດ່ານສາກົນ ພູເກືອ ຮ່ວມເປັນປະທານ.

ດ່ານສາກົນພູເກືອ ແລະ ດ່ານສານກົນເບີ່ອີ ແມ່ນ 1 ໃນ 8 ຄູ່ ດ່ານສາກົນ ທາງບົກ ລະຫວ່າງ ລາວ-ຫວຽດນາມ, ເຊິ່ງຕັ້ງຢູ່ ເມືອງ ຫງ໋ອກໂຮ່ຍ, ແຂວງກອນຕູມ, ສສ ຫວຽດນາມ ແລະ ເມືອງພູເກືອ ແຂວງອັດຕະປື ສປປ ລາວ.

ກອງປະຊຸມຄັ້ງນີ້ ໄດ້ຕີລາຄາວຽກງານການປະສານສົມທົບ ປີ 2018 ລະຫວ່າງ ຄະນະຄຸ້ມຄອງ ດ່ານສາກົນເບີ່ອີ  ແລະ ຄະນະຄຸ້ມຄອງດ່ານສາກົນພູເກືອ, ໃນປີ 2018 ວຽກງານການປະສານສົມທົບກັນລະຫວ່າງ ສອງດ່ານສາກົນ ໄດ້ຮັບການເອົາໃຈໃສ່, ກໍ່ສ້າງ ຈາກການນໍາສອງຝ່າຍ ແລະ ບັນລຸໄດ້ບັນດາໝາກຜົນອັນໜ້າເພິ່ງພໍໃຈ. ສອງຝ່າຍໄດ້ສົມທົບກັນຈັດຕັ້ງປະຕິບັດວຽກງານ ຢ່າງເປັນປະຈໍາ ເພື່ອແນໃສ່ສ້າງເງື່ອນໄຂສະດວກໃຫ້ແກ່ປະຊາຊົນ, ພາຫະນະ, ສິນຄ້ານຳເຂົ້າ-ສົ່ງອອກ, ການເຂົ້າ-ອອກເມືອງຂອງປະຊາຊົນ.

ສ່ວນສະພາບການ-ການເຄື່ອນໄຫວຂອງ ສອງດ່ານສາກົນ ໃນປີ 2018 ແມ່ນເຫັນວ່າ: ຈະນວນການເຂົ້າ-ອອກເມືອງ ມີປະມານ 251.530ເທື່ອຄົນ( ເພີ່ມຂື້ນ 14,57%); ພະຫະນະເຂົ້າ-ອອກເມືອງ ມີຈຳນວນ 33.060ຄັ້ງ(ເພີ່ມຂື້ນ 15,23%); ຍອດລວມມູນຄ່າການນຳເຂົ້າ-ສົ່ງອອກ ລະຫວ່າງສອງດ່ານບັນລຸ 198ລ້ານ ໂດລາສະຫະລັດ (ເພີ່ມຂື້ນ 5,41%); ບັນການເກັບພາສາ, ຄ່າທຳນຽມ, ຄ່າບໍລິການ 239 ຕື້ດົ່ງ(ເພີ່ມຂື້ນ 4,43%).

ຄຽງຂ້າງນັ້ນ, ວຽກງານການປະສານສົມທົບກັນ ລະຫວ່າງ ສອງດ່ານຊາຍແດນ ຍັງມີບາງຂໍ້ຄົງຄ້າງເປັນຕົ້ນຄື: ການຄ້າຂາຍ ແລະ ແລກປ່ຽນສິນຄ້າ ຂອງປະຊາຊົນຢູ່ເຂດຊາຍແດນຍັງມີໜ້ອຍ; ວຽກງານການຕ້ານ ແລະ ສະກັດກັ້ນ ການຄ້າຂອງເຖື່ອນຜ່ານຊາຍແດນຍັງປະສົບກັບຄວາມຫຍຸ້ງຍາກຫຼາຍຢ່າງ; ການທ່ອງທ່ຽວຢູ່ເຂດດ່ານສາກົນເບີ່ອີ-ພູເກືອ ຍັງບໍ່ທັນຟົດຟື້ນເທົ່າທີ່ຄວນ...

ທີ່ກອງປະຊຸມຄັ້ງນີ້, ສອງຝ່າຍໄດ້ເຫັນດີເປັນເອກະພາບ ໃນພາລະກິດຈຸດສຸມໃນວຽກງານການປະສານສົມທົບ ປະຈຳປີ 2019 ລະຫວ່າງສອງດ່ານຊາຍແດນ ປະກອບມີ: ຍັງຄົງຮັກສາເວລາໂມງເຂົ້າການ ຢູ່ ສອງດ່ານສາກົນ ຄືເກົ່າ ແຕ່ 7ໂມງ 00 ຫາ 19ໂມງ30 ແລະ ແກ້ໄຂເອກກະສານໃນການນຳເຂົ້າ-ສົ່ງອອກສິນຄ້າ ໃນວັນພັກບຸນ ແລະ ວັນພັກເສົາ-ທິດ. ສ້າງທຸກເງື່ອນໄຂສະດວກໃຫ້ປະຊາຊົນຢູ່ເຂດຊາຍແດນ ໄປມາ ຄ້າຂາຍ ແລະ  ແລກປ່ຽນສິນຄ້າ ໃຫ້ຖຶກຕ້ອງຕາມກົດລະບຽບຂອງ ບົດບັນທືກສັນຍາທີ່ໄດ້ເຊັນລົງນາມນຳກັນ ຢູ່ ຮ່າໂນ້ຍ 2017. ສ້າງເງື່ອນໄຂສະດວກຕື່ມອີກ ແລະ  ສົ່ງເສີມ ວິສາຫະກິດ ຂອງສອງຝ່າຍຄົ້ນຄວ້າ, ຊອກຫາກາລະໂອກາດ ແລະ ລົງທຶນເຂົ້າ ຂົງເຂດການຄ້າ, ການທ່ອງທ່ຽວ; ໜູນຊ່ວຍ ວິສາຫະກິດພາຍໃນ ແລະ ຕ່າງປະເທດ ເຂົ້າຮ່ວມງານຕະຫຼາດນັດ, ງານວາງສະແດງຂອງແຕ່ລະປະເທດ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll