ເປີດຊຸດຝຶກອົບຮົບ ພະລາທິການ ໃຫ້ພະນັກງານ-ທະຫານ ກອງທັບ ປະຊາຊົນລາວ

08:32 2018/08/07

ຍສໝ - ຕອນເຊົ້າວັນທີ 6 ສິງຫາ, ຢູ່ກົມໃຫຍ່ພະລາທິການ ໄດ້ຈັດຕັ້ງ ພິທີເປີດ ຊຸດຝຶກອົບຮົມວຽກງານເສນາທິການ - ພະລາທິການ, ນ້ຳມັນເຊື້ອໄຟ, ຂົນສົ່ງ ແລະ ຄ້າຍທະຫານໃຫ້ພະນັກງານ-ທະຫານ ກອງທັບ ປະຊາຊົນລາວ ຢູ່ ຫວຽດນາມ. ໂດຍ ທ່ານພົນຈັດຕະວາ ຟານບ໋າເຢີນ, ຮອງຫົວໜ້າກົມໃຫຍ່ພະລາທິການ ເປັນກຽດເຂົ້າຮ່ວມພິທີເປີດ.

ເປີດຊຸດຝຶກອົບຮົບ ພະລາທິການ ໃຫ້ພະນັກງານ-ທະຫານ ກອງທັບ ປະຊາຊົນລາວ

ໃນໄລຍະເວລາ 45 ວັນ, ນັກສຳມະນາກອນ ຈຳນວນ 40 ຄົນ ຈະໄດ້ຄົ້ນຄວ້າບາງຫົວຂໍ້ສະເພາະ ຄື: ວຽກງານເສນາທິການ - ພະລາທິການ, ວຽກງານເສນາທິການຢູ່ທ້ອງຖິ່ນ, ວຽກງານຮັບປະກັນນ້ຳມັນເຊື້ອໄຟ; ການນຳໃຊ້ນ້ຳມັນເຊື້ອໄຟ,  ບັນດາບັນຫາລວມກ່ຽວກັບວຽກງານເຕັກນິກ; ການບຳລຸງຮັກສາ, ສ້ອມແປງລົດຈັກ ແລະການຮ່ຳຮຽນເອົາບົດຮຽນວຽກງານພະລາທິການຕົວຈິງຢູ່ບາງກົມກອງ.

 ຜູ້ແທນ ແລະນັກສຳມະນາກອນເຂົ້າຮ່ວມຊຸດຝຶກອົບຮົບ. (ພາບ: ຢາງທູຈາງ)

ຜ່ານຊຸດຝຶກອົບຮົບນີ້ແມ່ນເພື່ອແນໃສ່ຍົກສູງລະດັບທິດສະດີ, ແລກປ່ຽນບົດຮຽນໃນວຽກງານບັນຊາເສນາທິການ-ພະລາທິການ, ວຽກງານນ້ຳມັນເຊື້ອໄຟ, ວຽກງານຂົນສົ່ງ, ວຽກງານຄ້າຍທະຫານ ແລະ ກໍ່ສ້າງລະບຽບຫຼວງຂະແໜງພະລາທິການກອງທັບປະຊາຊົນຫວຽດນາມ ເພື່ອໃຫ້ພະນັກງານລາວ ຖອດຖອນ, ໝູນໃຊ້ເຂົ້າໃນພຶດຕິກຳຕົວຈິງ, ຊີ້ນຳວຽກງານພະລາທິການຢູ່ບັນດາກົມກອງກອງທັບປະຊາຊົນລາວ. ຈາກນັ້ນປະກອບສ່ວນເພີ່ມທະວີຄວາມສາມັກຄີມິດຕະພາບ, ສະໜິດແໜ້ນທີ່ເປັນມູນເຊື້ອລະຫວ່າງປະຊາຊົນ, ກອງທັບ ແລະ ຂະແໜງພະລາທິການກອງທັບສອງປະເທດຫວຽດນາມ - ລາວ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll