ສານປະຊາຊົນຫົວພັນ-ເຊິນລາພົບປະແລກປ່ຽນບົດຮຽນ

15:48 2019/09/25

ກອງປະຊຸມພົບປະລະຫວ່າງສານປະຊາຊົນແຂວງຫົວພັນ ສ ປ ປ ລາວ ແລະ ສານປະຊາຊົນແຂວງເຊິນລາ ສ ສ ຫວຽດນາມໄດ້ຈັດຂື້ນໃນວັນທີ 23 ກັນຍາ 2019 ນີ້ຢູ່ທີ່ຫໍວັດທະນະທຳຂອງແຂວງ, ຝ່າຍແຂວງຫົວພັນນໍາໂດຍທ່ານ ພອນສຸກ ທອງສົມບັດ ກຳມະການພັກແຂວງ ປະທານສານປະຊາຊົນແຂວງຫົວພັນ, ຝ່າຍແຂວງເຊິນລານໍາໂດຍທ່ານ ປອ ຫງ໊ວຽນ ຮົ່ງນາມ ຜູ້ພິພາກສາສານຂັ້ນສູງ ປະທານສານປະຊາຊົນແຂວງເຊິນລາແຫ່ງ ສ ສ ຫວຽດນາມ ພ້ອມດ້ວຍພາກສ່ວນທີ່ກ່ຽວຂ້ອງທັງສອງຝ່າຍເຂົ້າຮ່ວມນຳ.

ສານປະຊາຊົນຫົວພັນ-ເຊິນລາພົບປະແລກປ່ຽນບົດຮຽນ
ກອງປະຊຸມພົບປະລະຫວ່າງສານປະຊາຊົນແຂວງຫົວພັນ ສ ປ ປ ລາວ ແລະ ສານປະຊາຊົນແຂວງເຊິນລາ ສ ສ ຫວຽດນາມ.(ພາບ:ຂ່າວຫົວພັນ)

ໃນການພົບປະແລກປ່ຽນບົດຮຽນໃນຄັ້ງນີ້ທັງສອງຝ່າຍໄດ້ຜັດປ່ຽນກັນລາຍງານສະພາບທີ່ຕັ້ງຈຸດພິເສດ, ການພັດທະນາດ້ານເສດຖະກິດ-ສັງຄົມ ແລະ ສະພາບລວມວຽກງານສານປະຊາຊົນຂອງຕົນໃຫ້ກັນ ແລະ ກັນຊາບ. ໃນປະຈຸບັນສານປະຊາຊົນແຂວງຫົວພັນມີພະນັກງານລັດຖະກອນທັງໝົດ 57 ຄົນ, ຍິງ 20 ຄົນ, ໃນນີ້ຢູ່ສານປະຊາຊົນແຂວງມີ 21 ຄົນ, ຍິງ 11 ຄົນ, ສານປະຊາຊົນເຂດ I ມີ 12 ຄົນ, ຍິງ 4 ຄົນ, ສານປະຊາຊົນເຂດ II ມີ 12 ຄົນ, ຍິງ 3 ຄົນ ແລະ ສານປະຊາຊົນເຂດ III ມີ 12 ຄົນ, ຍິງ 1 ຄົນ. 

ໃນ 9 ເດືອນຜ່ານມາສານປະຊາຊົນແຂວງ ແລະ ສານປະຊາຊົນເຂດມີຄະດີເຂົ້າມາທັງໝົດ 227 ເລື່ອງ, ແກ້ໄຂແລ້ວ 170 ເລື່ອງເທົ່າກັບ 74,89% ປະຈຸບັນຍັງຄ້າງ 57 ເລື່ອງເທົ່າກັບ 25,11%, ໃນນັ້ນຄະດີທີ່ເກີດຂື້ນຫຼາຍກວ່າໝູ່ແມ່ນຄະດີອາຍາໃນຂໍ້ຫາຄ້າຂາຍຢາເສບຕິດ, ລັກຊັບ ແລະ ລະເມີດກົດຈະລາຈອນພາໃຫ້ເກີດອຸບັດຕິເຫດ, ພ້ອມນັ້ນຍັງໄດ້ພິຈາລະນາຕັດສິນຄະດີພົນລະເມືອງແຂວງເຊິນລາທີ່ມາກະທຳຜິດຢູ່ແຂວງຫົວພັນມີ 1 ຄົນໃນຂໍ້ຫາ ຊື້-ຂາຍ, ເຄື່ອນຍ້າຍປະເພດໄມ້ພິເສດ ແລະ ສັດປ່າຫວງຫ້າມທີ່ໃກ້ຈະສູນພັນໂດຍບໍ່ຖືກຕ້ອງຕາມກົດໝາຍ. ພ້ອມນີ້ທ່ານປະທານສານປະຊາຊົນແຂວງຫົວພັນຍັງໄດ້ຕີລາຄາສູງຕໍ່ການມາຢ້ຽມຢາມ ແລະ ເຮັດວຽກຂອງຄະນະຜູ້ແທນສານປະຊາຊົນແຂວງເຊິນລາ ສສ ຫວຽດນາມໃນຄັ້ງນີ້ຊື່ງເປັນການຮັດແໜ້ນຄວາມສາມັກຄີມິດຕະພາບແບບພິເສດລາວ-ຫວຽດນາມ, ຫົວພັນ-ເຊິນລາເວົ້າລວມເວົ້າສະເພາະແມ່ນສານປະຊາຊົນແຂວງຫົວພັນ ແລະ ສານປະຊາຊົນແຂວງເຊິນລາໃຫ້ໝັ້ນຄົງທະນົງແກ່ນ ແລະ ສວຍສົດງົດງາມຕະຫຼອດໄປ.

(ແຫຼ່ງ​ຂໍ້​ມູນ​: ຂ່າວຫົວພັນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll