ສະຫາຍ ອາ ເປີ໋ດ - ຮອງເລຂາພັກແຂວງ, ຜູ້ແທນສະພາແຫ່ງຊາດແຂວງກອນຕູມ ສສ ຫວຽດນາມຕ້ອນຮັບຄະນະຜູ້ແທນປະຕິບັດງານແຂວງເຊກອງ

13:45 2019/09/19

ຍສໝ - ຕົ້ນອາທິດນີ້, ສະຫາຍ ອາເປີ໋ດ- ຮອງເລຂາພັກແຂວງ, ຜູ້ແທນສະພາແຫ່ງຊາດແຂວງກອນຕູມ ໄດ້ເປັນປະທານພິທີຕ້ອນຮັບ ຄະນະຜູ້ແທນປະຕິບັດງານ ແຂວງເຊກອງ (ສປປ ລາວ) ໂດຍ ສະຫາຍ ພອນເພັດ ກິນລະວົງ, ຮອງເລຂາພັກແຂວງ, ຜູ້ແທນສະພາແຫ່ງຊາດ, ປະທານສະພາປະຊາຊົນ ຫົວໜ້າຄະນະຊີ້ນຳ ການຄົ້ນຄວ້າປະຫວັດສາດແຂວງເຊກອງ ເປັນຫົວໜ້ານຳພາຄະນະ ເດີນທາງໄປເຮັດວຽກ ຢູ່ເມືອງ ກອນຕູມ ສສ ຫວຽດນາມ.

ສະຫາຍ ອາ ເປີ໋ດ - ຮອງເລຂາພັກແຂວງ, ຜູ້ແທນສະພາແຫ່ງຊາດແຂວງກອນຕູມ ສສ ຫວຽດນາມຕ້ອນຮັບຄະນະຜູ້ແທນປະຕິບັດງານແຂວງເຊກອງ
ສະຫາຍ ອາ ເປີ໋ດ ໃຫ້ການຕ້ອນຮັບຄະນະຜູ້ແທນແຂງເຊກອງ.(ພາບ: : TVT)

ເຂົ້າຮ່ວມພິທີຕ້ອນຮັບຄັ້ງນີ້ມີ: ຕາງໜ້າການນຳພະແນກໂຄສະນາອົບຮົມແຂວງກອນຕູມ, ຫ້ອງວ່າການແຂວງກອນຕູມ ແລະ ຕາງໜ້າການນຳບັນດາພະແນກການ, ອົງການຈັດຕັ້ງທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ.

ສະຫາຍ ອາເປີ໋ດ - ຮອງເລຂາພັກແຂວງ, ຫົວໜ້າຄະນະຜູ້ແທນສະພາແຫ່ງຊາດແຂວງໃນນາມຕາງໜ້າການນຳຂັ້ນແຂວງ ໄດ້ໃຫ້ການຕ້ອນຮັບຄະນະຜູ້ແທນແຂວງເຊກອງ ທີ່ໄດ້ມາຢ້ຽມຢາມ ແລະ ເຮັດວຽກ ຢູ່ເມືອງກອນຕູມ. ທ່ານເນັ້ນໜັກວ່າປະຊາຊົນສອງປະເທດຫວຽດນາມ - ລາວ ເວົ້າລວມ ແລະປະຊາຊົນສອງແຂວງກອນຕູມ ແລະ ເຊກອງເວົ້າສະເພາະ ມີຄວາມເຄົາລົບນັບຖືເຊິ່ງກັນແລະກັນ, ແລະ ເພີ່ມພູນຄູນສ້າງນຳ້ໃຈມິດຕະພາບອັນດີງາມລະຫວ່າງສອງຊາດ.

ໃນໂອກາດດັ່ງກ່າວ, ທ່ານຮອງເລຂາພັກແຂວງ, ອາເປີ໋ດ ຫວັງເປັນຢ່າງຍິ່ງວ່າ: ຄະນະຄົ້ນຄວ້າ ປະຫວັດສາດແຂວງເຊກອງ ແລະ ພະແນກໂຄສະນາອົບຮົມແຂວງກອນຕູມ ຈະສືບຕໍ່ແລກປ່ຽນເພື່ອແນໃສ່ແບ່ງປັນປະສົບການໃນວຽກງານການຄົ້ນຄວ້າ, ເກັບກຳ ແລະ ຮ່າງປື້ມປະຫວັດສາດພັກແຂວງ.

ສະຫາຍ ອາເປີ໋ດ ມອບຂອງທີ່ລະນຶກໃຫ້ຄະນະຜູ້ແທນແຂວງເຊກອງ.(ພາບ: TVT)
ສະຫາຍ ພອນເພັດ ກິນລະວົງ ມອບປື້ມປະຫວັດແຂວງເຊກອງ ໃຫ້ແຂວງກອນຕູມ, ສສ ຫວຽດນາມ.(ພາບ: TVT)

 ຝ່າຍຄະນະປະຕິບັດງານແຂວງເຊກອງ, ທ່ານ ພອນເພັດ ກິນລະວົງ, ຮອງເລຂາພັກແຂວງ, ຫົວໜ້າ ຄະນະຜູແທນສະພາແຫ່ງຊາດ, ປະທານສະພາປະຊາຊົນ, ຫົວໜ້າຄະນະຊີ້ນຳການຄົ້ນຄວ້າປະຫວັດແຂວງເຊກອງ ໄດ້ກ່າວສະແດງຄວາມຂອບອົກຂອບໃຈສຳລັບການຕ້ອນຮັບອັນອົບອຸ່ນ ແລະ ໄມຕີຈິດຂອງແຂວງກອນຕູມ; ສະແດງຄວາມຂອບໃຈມາຍັງຄະນະກຳມະການ, ອຳນາດການປົກຄອງ, ພະແນກການ ແລະ ອົງການຈັດຕັ້ງທຸກຂັ້ນຂອງແຂວງກອນຕູມ ທີ່ໄດ້ສ້າງເງື່ອນໄຂຫ້ແກ່ຄະນະຊີ້ນຳ ການຄົ້ນຄວ້າປະຫວັດສາດແຂວງເຊກອງ ໄດ້ມາເກັບກຳຂໍ້ມູນ, ເອກະສານຕ່າງໆ ເພື່ອຮ່າງປື້ມປະຫວັດຂອງແຂວງເຊກອງ; ພ້ອມດຽວກັນນີ້, ທ່ານຍັງໄດ້ມອບໜັງສືປະຫວັດສາດຂອງແຂວງເຊກອງ ທີ່ຈັດພີມເປັນທີ່ຮຽບຮ້ອຍແລ້ວໃຫ້ ແຂວງກອນຕູມ.

ທີ່ກອງປະຊຸມພົບປະ, ສອງຝ່າຍໄດ້ເຫັນດີເປັນເອກະພາບວ່າໃນອານາຄົດທີ່ຈະມາເຖິງນີ້, ຈະເພີ່ມທະວີການຮ່ວມມືຮອບດ້ານໃນບັນດາຂົງເຂດຕ່າງໆເພື່ອປະກອບສ່ວນເຂົ້າໃນການຮັກສາມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ສອງປະເທດ. ຫວຽດນາມ - ລາວ,  ແລະ ສອງແຂວງ ກອນຕູມ - ເຊກອງ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll