ສະຫວັນນະເຂດ-ດານັງ ທົບທວນຄືນ ຜົນການຮ່ວມມືໃນຕະຫຼອດໄລຍະຜ່ານມາ

09:22 2019/10/10

ກອງປະຊຸມພົບປະລະ ຫວ່າງຄະນະຜູ້ແທນຂັ້ນສູງ ຂອງແຂວງສະຫວັນນະເຂດ ສປປ ລາວ ແລະນະຄອນດາ ນັງ ສສ ຫວຽດນາມ ໄດ້ ຈັດຂຶ້ນຢູ່ທີ່ຫ້ອງປະຊຸມຫ້ອງ ວ່າການປົກຄອງແຂວງສະ ຫວັນນະເຂດ. ໂດຍຝ່າຍແຂວງ ສະຫວັນນະເຂດ ນຳ ໂດຍທ່ານ ສັນຕິພາບ ພົມວິຫານ ກຳມະ ການສູນກາງພັກເລຂາພັກ ແຂວງເຈົ້າແຂວງສະຫວັນ ນະເຂດ ພ້ອມທ່ານຮອງເຈົ້າ ແຂວງ ແລະບັນດາພະແນກ ການອ້ອມຂ້າງແຂວງ, ຝ່າຍ ນະຄອນດານັງນຳໂດຍທ່ານ ເຈື່ອງ ກວາງ ເຫງ້ຍ ກຳມະ ການສູນກາງພັກ ເລຂາພັກນະ ຄອນດານັງ ພ້ອມດ້ວຍທ່ານຮອງປະທານສະພາປະຊາຊົນ, ບັນດາພະແນກການຂອງນະ ຄອນດານັງເຂົ້າຮ່ວມໃນພິທີ ຄັ້ງນີ້.

ສະຫວັນນະເຂດ-ດານັງ ທົບທວນຄືນ ຜົນການຮ່ວມມືໃນຕະຫຼອດໄລຍະຜ່ານມາ
ທ່ານ ສັນຕິພາບ ພົມວິຫານ ກຳມະການສູນກາງພັກເລຂາພັກ ແຂວງເຈົ້າແຂວງສະຫວັນນະເຂດ.(ພາບ:ສະຫວັນພັດທະນາຂ່າວ)

ໂອກາດນີ້, ທ່ານ ສັນຕິພາບ ພົມວິຫານ ກໍ່ໄດ້ກ່າວຕ້ອນຮັບ ຄະນະຜູ້ແທນຂັ້ນສູງຂອງນະ ຄອນດານັງທີ່ໄດ້ເດີນທາງມາ ພົບປະ ຢ້ຽມຢາມໃນຄັ້ງນີ້, ຈາກນັ້ນກໍ່ໄດ້ລາຍງານສະ ພາບການພັດທະນາເສດ ຖະກິດ-ສັງຄົມຂອງແຂວງ ສະຫວັນນະເຂດ ໃຫ້ຊາບໂດຍ ສັງເຂບ, ເຊິ່ງໃນນັ້ນຍັງໄດ້ຍົກ ໃຫ້ເຫັນການເພີ່ມພູນຄູນສ້າງ ສາຍພົວພັນມິດຕະພາບຄວາມ ສາມັກຄີແພພິເສດລະຫວ່າງ ສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມອ້າຍນ້ອງເວົ້າ ລວມ, ເວົ້າສະເພາະແຂວງສະ ຫວັນນະເຂດ-ນະຄອນດານັງ ທີ່ມີການຮ່ວມມືແລກປ່ຽນບົດ ຮຽນເຊິ່ງກັນ ແລະກັນຕະຫຼອດ ມາ. ຈາກນັ້ນກໍ່ໄດ້ຍົກໃຫ້ເຫັນ ເຖິງສະພາບເງື່ອນໄຂທີ່ພົບກັບ ຄວາມຫຍຸ້ງຍາກໃນການພັດ ທະນາເປັນຕົ້ນປີ 2019 ແຂວງ ສະຫວັນນະເຂດໄດ້ປະເຊີນຜົນ ກະທົບທາງທຳມະຊາດທີ່ໄດ້ ເກີດຂຶ້ນເຊັ່ນ: ບັນຫາການລະ ບາດຂອງພະຍາດໄຂ້ເລືອດ ອອກ, ພະຍາດອະຫິວາໝູອາ ຟຣິກກາທີ່ລະບາດ, ພ້ອມກັນ ກໍ່ມີບັນຫາອຸທົກກະໄພ (ນ້ຳ ຖ້ວມໜັກ) ໃນຮອບຫຼາຍສິບປີ ເຊິ່ງມັນໄດ້ສົ່ງຜົນກະທົບ ຫຼາຍຢ່າງ ຕໍ່ກັບການພັດທະນາ. ເຖິງຢ່າງໃດກໍ່ຕາມ ສຳລັບການ ພົວພັນຮ່ວມມືລະຫວ່າງສອງ ແຂວງພວກເຮົາກໍ່ໄດ້ມີການ ຮ່ວມມືຢ່າງຕໍ່ເນື່ອງ ໂດຍສະ ເພາະ ວຽກງານພັດທະນາການ ສຶກສາ, ສາທາລະນະສຸກ ແລະ ວຽກງານອື່ນໆ ກໍ່ໄດ້ສືບຕໍ່ຮ່ວມ ມືກັນດ້ວຍຜົນສຳເລັດ.

ທ່ານ ເຈື່ອງ ກວາງ ເຫງ້ຍ ກຳມະ ການສູນກາງພັກ ເລຂາພັກນະ ຄອນດານັງ ພ້ອມດ້ວຍທ່ານຮອງປະທານສະພາປະຊາຊົນ, ບັນດາພະແນກການຂອງນະ ຄອນດານັງ.(ພາບ:ສະຫວັນພັດທະນາຂ່າວ)

ທ່ານ ເຈື່ອງ ກວາງ ເຫງ້ຍ ໃນນາມຫົວໜ້າຄະນະກໍ່ໄດ້ ກ່າວສະແດງຄວາມຂອບໃຈ ຕໍ່ການຕ້ອນ ຮັບອັນອົບອຸ່ນຂອງ ຄະນະນຳແຂວງສະຫວັນນະ ເຂດ, ຈາກນັ້ນກໍ່ໄດ້ຕີລາຄາ ຄືນການຮ່ວມມືໃນຕະຫຼອດ ໄລຍະຜ່ານມາໂດຍສະເພາະ ໃນຂອບການຮ່ວມມືຕາມ ບົດບັນທຶກທີ່ໄດ້ຕົກລົງກັນ ໃນໄລຍະແຕ່ປີ 2018-2022, ໂດຍທັງສອງຝ່າຍຈະໄດ້ ມີການແລກປ່ຽນໃນການໃຫ້ ທຶນດ້ານການສຶກສາ, ສາທາ ລະນະສຸກ ແລະການຖອດຖອນ ບົດຮຽນໃນດ້ານຕ່າງໆຕື່ມ ອີກ. ໂອກາດນີ້ກໍ່ໄດ້ມອບເງິນ ຈຳນວນ 200 ລ້ານດົງໃນ ການຊ່ວຍຟື້ນຟູວິກິດການທີ່ ເກີດຂຶ້ນ.

ໂອກາດດັ່ງກ່າວທາງຄະ ນະຜູ້ແທນນະຄອນດານັງກໍ່ໄດ້ ໄປຢ້ຽມຢາມເຂດເສດຖະກິດ ພິເສດສະຫວັນ-ເຊໂນຕື່ມອີກ./.

(ແຫຼ່ງ​ຂໍ້​ມູນ​: ສະຫວັນພັດທະນາ ຂ່າວ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll