ມີຄວາມມຸ້ງຫວັງ ໃຫ້ທຸລະກິດດ່າໜັງ ມາລົງທືນຢູ່ ແຂວງສາລະວັນ (ສປປ ລາວ)

11:29 2019/10/03

ຍສໝ - ມີຄວາມມຸ້ງຫັວງ ຢາກໃຫ້ນັກທຸລະກິດຂອງນະຄອນດ່າໜັງ ມາສຳຫຼວດ ແລະ ຊອກຫາໂອກາດການລົງທືນ ຢູ່ລາວໃນຂົງເຂດການທ່ອງທ່ຽວ, ກໍ່ສ້າງພື້ນຖານໂຄງລ່າງ ແລະ ກະສິກຳ. ນັ້ນແມ່ນຄຳສະເໜີ ຂອງສະຫາຍ ສີສຸວັນ ວົງຈອມສີ ຄະນະກຳມະການສູນກາງພັກ ປະຊາຊົນປະຕິວັດລາວ, ເຈົ້າແຂວງໆສາລະວັນ ທີ່ກອງປະຊຸມພົບປະກັບການນຳ ນະຄອນດ່າໜັງ ໂດຍຄະນະກຳມະການສູນກາງພັກ, ເລຂາຄະນະພັກນະຄອນ, ຫົວໜ້າຄະນະຜູ້ແທນສະມາຊິກສະພາແຫ່ງຊາດນະຄອນ ສະຫາຍ ເຈື່ອງ ກວາງ ເຫງ໋ຍ ໃນຕອນເຊົ້າວັນທີ 2 ຕຸລາ ນີ້.

ມີຄວາມມຸ້ງຫວັງ ໃຫ້ທຸລະກິດດ່າໜັງ ມາລົງທືນຢູ່ ແຂວງສາລະວັນ (ສປປ ລາວ)

ເຂົ້າຮ່ວມກອງປະຊຸມຄັ້ງນີ້ປະກອບມີ: ທ່ານຮອງປະທານສະພາປະຊາຊົນ ເລ ມິງ ຈຸງ, ຮອງປະທານຄະນະກຳມະການປະຊາຊົນນະຄອນ ເຈິ່ນ ວັນ ມຽນ, ກົງສຸນໃຫຍ່ ສສ ຫວຽດນາມ ປະຈຳ ນະຄອນປາກເຊ ບຸ່ຍ ເຖ ຢຸງ, ຜູ້ນຳຫ້ອງການ, ຂະແໜງການຂອງນະຄອນ ເຂົ້າຮ່ວມຢ່າງພ້ອມພຽງ.

ເລຂາຄະນະພັກນະຄອນ ເຈືອງ ກວາງ ເຫງ໋ຍ, ເຈົ້າແຂວງໆສາລະວັນ ສີສຸວັນ ວົງຈອມສີ ຮ່ວມປຶກສາຫາລືແລກປ່ຽນທີ່ກອງປະຊຸມ. (ພາບ: ດັ້ງເນີ້)

ທີ່ການພົບປະຄັ້ງນີ້, ທ່ານ ສີສຸວັນ ວົງຈອມສີ ໄດ້ສະແດງຄວາມຍິນດີຊົມເຊີຍຢ່າງສຸດອົກສຸດໃຈ ແລະ ໃຫ້ການຕ້ອນຮັບຄະນະດ້ວຍຄວາມອົບອຸ່ນ, ພ້ອມຢືນຢັນວ່າການຢ້ຽມຢາມຂອງບັນດາການນຳນະຄອນດ່າໜັງໃນຄັ້ງນີ້ ໄດ້ສະແດງໃຫ້ເຫັນຄວາມສາມັກຄີ, ມິດຕະພາບຂອງຄະນະພັກ, ອຳນາດການປົກຄອງ ແລະ ປະຊາຊົນດ່າໜັງ ທີ່ມີຕໍ່ ຄະນະພັກແຂວງສາລະວັນ, ອຳນາດການປົກຄອງ ແລະ ປະຊາຊົນບັນດາເຜົ່າຂອງແຂວງສາລະວັນ.

“ນີ້ແມ່ນເຫດການທີ່ມີຄວາມໝາຍສຳຄັນ, ປະກອບສ່ວນເພີ່ມພູນຄູນສ້າງມູນເຊື້ອແຫ່ງຄວາມສາມັກຄີ, ພິເສດແມ່ນການພົວພັນຮ່ວມມືຮອບດ້ານ ລະຫວ່າງສອງພັກ, ສອງລັດ ເວົ້າລວມ ແລະ ລະຫວ່າງບັນດາທ້ອງຖິ່ນຂອງສອງແຂວງ ສາລະວັນ - ດ່າໜັງ ເວົ້າສະເພາະ”, ສະຫາຍ ສີສຸວັນ ວົງຈອມສີ ຢືນຢັນ.

ເລຂາຄະນະພັກນະຄອນດ່າໜັງ ເຈືອງ ກວາງ ເຫງ໋ຍ ມອບຂອງລະນຶກໃຫ້ຄະນະກຳມະການສູນກາງປະຊາຊົນລາວ, ເລຂາພັກ ແຂວງ, ເຈົ້າແຂວງໆສາລະວັນ ສີສຸວັນ ວົງຈອມສີ. (ພາບ: ດັ້ງເນີ້)

ສະຫາຍ ສີສຸວັນ ວົງຈອມສີ ໄດ້ສະຫຼຸບລາຍງານຕໍ່ການນຳ ນະຄອນດ່າໜັງ ກ່ຽວກັບສະພາບການ - ການພັດທະນາເສດຖະກິດ - ສັງຄົມຂອງແຂວງ, ພ້ອມກັນນັ້ນກໍ່ຫວັງເປັນຢ່າງຍິ່ງວ່າ ນະຄອນດ່າໜັງ ຈະສະໜັບສະໜູນຊ່ວຍເຫຼືອແຂວງສາລະວັນ ຄົ້ນຄວ້າໃນການພັດທະນາເສດຖະກິດ - ສັງຄົມ, ວິໄສທັດຍຸດທະສາດ ຮອດປີ 2030; ຮຽກຮ້ອງໃຫ້ບັນດານັກທຸລະກິດ ກໍ່ຄືວິສາຫະກິດ ນະຄອນດ່າໜັງ ມາສຳຫຼວດ ແລະ ຊອກຫາກາລະໂອກາດລົງທືນໃນຂະແໜງທ່ອງທ່ຽວ, ກໍ່ສ້າງພື້ນຖານໂຄງລ່າງ ແລະ ຂະແໜງກະສິກຳ.

ບັນຍາກາດຂອງກອງປະຊຸມ. (ພາບ: ດັ້ງເນີ້)

ທ່ານເລຂາຄະນະພັກນະຄອນດ່າໜັງ ເຈີ່ນ ກວາງ ເຫງ໋ຍ ໄດ້ສະແດງຄວາມເຊື່ອໝັ້ນຕໍ່ສາຍພົວພັນ ລະຫວ່າງສອງທ້ອງຖິ່ນນັບມື້ນັບພັດທະນາເຂົ້າສູ່ລວງເລິກ; ທ່ານຍັງໄດ້ສະແດງຄວາມຢ້ຽມຢາມຖາມຂ່າວ, ໃຫ້ກຳລັງໃຈ ແລະ ແບ່ງປັນຄວາມຫຍຸ້ງຍາກ ແລະ ຄວາມເສຍຫາຍຂອງພະນັກງານ ແລະ ປະຊາຊົນບັນດາເຜົ່າແຂວງສາລະວັນ ຍ້ອນໄດ້ຮັບຜົນກະທົບຈາກໄພນ້ຳຖ້ວມເມື່ອບໍ່ດົນມານີ້.

ທ່ານເລຂາຄະນະພັກນະຄອນດ່າໜັງ ເຈີ່ນ ກວາງ ເຫງ໋ຍ ກໍ່ໄດ້ສະຫຼຸບລາຍງານໂດຍຫຍໍ້ຕໍ່ການນຳແຂວງສາລະວັນ ຊາບກ່ຽວກັບສະພາບການພັດທະນາເສດຖະກິດ - ສັງຄົມ ແລະ ທິດທາງພັດທະນາດ່າໜັງ ໃນໄລຍະຈະມາເຖິງ, ພ້ອມກັນນັັ້ນກໍ່ເຫັນດີຕໍ່ກັບ ຄຳສະເໜີຂອງແຂວງສາລະວັນ ໃນການເພີ່ມທະວີ ການສະໜັບສະໜູນຊ່ວຍເຫຼືອ, ຮ່ວມມືໃນຫຼາຍຂົງເຂດ, ໂດຍສະເພາະກ່ຽວກັບການສຶກສາ ແລະ ບຳລຸງສ້າງ. ທ່ານເລຂາຄະນະພັກນະຄອນດ່າໜັງ ເຈີ່ນ ກວາງ ເຫງ໋ຍ  ກໍ່ມອບໝາຍໃຫ້ພະແນກສາທາລະນະສຸກນະຄອນດ່າໜັງ ຄົ້ນຄ້ວາ, ໜູນຊ່ວຍແຂວງສາລະວັນພັດທະນາຂະແໜງສາທາລະນະສຸກຊຸມຊົນໃນໄລຍະຈະມາເຖິງນີ້.

ສອງຝ່າຍເຫັນດີເປັນເອກະພາບຕໍ່ແຜນການ - ການສືບຕໍ່ຜັນຂະຫຍາຍບັນດາໂຄງການ - ການຮ່ວມມືໃນໄລຍະຈະມາເຖິງ (ອີງຕາມບົດບັນທຶກຊ່ວຍຈຳທີ່ໄດ້ເຊັນລົງນາມກັນ ລະຫວ່າງສອງທ້ອງຖິ່ນ, ສົກປີ 2018-2022), ໃນນັ້ນມີ: ການສະໜັບສະໜູນ ກໍ່ສ້າງອາຄາສະພະວິຊາ ຢູ່ ໂຮງຮຽນມັດທະຍົມປາຍມິດຕະພາບດ່າໜັງ - ສາລະວັນ; ໂຄງການຊ່ວຍເຫຼືອດ້ານທຶນການສຶກສາ (ແຕ່ລະປີມອບທຶນການສຶກສາ 100% ໃນລະດັບປະລິນຍາໂທ 3 ທືນ, ປະລິຍາຕຼີ 3 ທຶນ, ຊັ້ນສູງ 4 ທຶນ; ທຶນການສຶກສາ 50% ສຳລັບປະລິນຍາໂທ 4 ທຶນ, ປະລິຍາຕີຼ 4 ທຶນ; ໃຫ້ການສຶກສາເຕັມສ່ວນ ສຳລັບຂະແໜງ ທີ່ຮຽນຢູ່ ມະຫາວິທະຍາໄລສ້າງຄູດ່າໜັງ ກໍ່ສ້າງຄູ ໃຫ້ແກ່ພໍ່ແມ່ພີ່ນ້ອງຂອງສະມາຄົມຊາວຫວຽດນາມແຂວງສາລະວັນ ຢູ່ແຂວງສາລະວັນ.

ເນື່ອງໃນໂອກາດນີ້, ນະຄອນດ່າໜັງໄດ້ມອບເງິນໃຫ້ແຂວງສາລະວັນ ຈຳນວນ 250 ລ້ານດົງປັບປຸງ, ຟື້ນຟູຜົນສະທ້ອນຈາກໄພນ້ຳຖ້ວມໃນທີ່ຜ່ານມາ. ໃນຕອນເຊົ້າຂອງວັນດຽວກັນ, ຄະນະຜູ້ແທນນະຄອນດ່າໜັງ ໄດ້ເຂົ້າຮ່ວມພິທີເປີດສູນພາສາຫວຽດນາມແຂວງສາລະວັນ. ເຂົ້າຮ່ວມໃນພິທີດັ່ງກ່າວປະກອບມີ ກຳມະການສູນກາງພັກປະຊາຊົນປະຕິວັດລາວ, ເລຂາພັກແຂວງ, ເຈົ້າແຂວງໆສາລະວັນ ສີສຸວັນ ວົງຈອມສີ.

ຜູ້ນຳຂອງສອງທ້ອງຖິ່ນໄດ້ຮ່ວມຕັດແຖບຜ້າ ເພື່ອເປີດສູນພາສາຫວຽດນາມແຂວງສາລະວັນ. (ພາບ: ດັ້ງເນີ້)

ສູນພາສາຫວຽດນາມແຂວງສາລະວັນ ເປັນອາຄານ 2 ຊັ້ນ ມີ: 5 ຫ້ອງຮຽນ, ຫ້ອງພັກສຳລັບຄູອາຈານ ຈຳນວນ 2 ຫ້ອງ  , ຫ້ອງການ 1 ຫ້ອງ, ຫ້ອງສະໝຸດ 1 ຫ້ອງ, ຫ້ອງການ 1 ຫ້ອງ ສຳລັບສະມາຄົມຊາວຫວຽດນາມ ຢູ່ ແຂວງສາລະວັນ, ຫ້ອງຄົວ 1  ຫ້ອງ ແລະ ຫ້ອງນ້ຳ ທີ່ມີ ອຸປະກອນຄົບ ທັງອຸປະກອນການຮຽນ - ການສິດສອນ, ໂດຍນະຄອນດ່າໜັງ ການສະໜັບສະ ໜູນກໍ່ສ້າງແຕ່ທ້າຍປີ 2018 ດ້ວຍມູນຄ່າທັງ ໝົດ 7,1 ຕື້ດົງ.

ການນຳນະຄອນດ່າໜັງ ໄດ້ໄປຢ້ຽມຢາມຫ້ອງສະໝຸດ ຢູ່ສູນພາສາຫວຽດນາມແຂວງສາລະວັນ. (ພາບ: ດັ້ງເນີ້)

ຮອງປະທານຄະນະກຳມະການປະຊາຊົນນະຄອນດ່າໜັງ ເຈີ່ນ ວັນ ມຽນ ຢືນຢັນ: “ນີ້ແມ່ນອາຄານປະກອບສ່ວນສະແດງເຖິງຄວາມມີຊີວິດຊີວາຕື່ມໃນສາຍພົວພັນຮ່ວມມືມິດຕະພາບ, ສາມັກຄີພິເສດ ລະຫວ່າງນະຄອນດ່າໜັງ ແລະ ແຂວງສາລະວັນ. ພາຍຫຼັງເປີດພິທີ, ມອບ-ຮັບ ໂຄງການ ແລະ ນຳໃຊ້, ຕາມເນື້ອໃນບົດບັນທຶກຊ່ວຍຈຳ ໄລຍະປີ 2018-2022 ລະຫວ່າງສອງທ້ອງຖິ່ນ, ແຕ່ລະປີນະຄອນດ່າໜັງຈະສົ່ງ ຄູສອນພາສາຫວຽດຈຳນວນ 2 ຄົນ, ມາສອນພາສາຫວຽດ ຢູ່ ສູນດັ່ງກ່າວນີ້, ເລີ່ມຕົ້ນແຕ່ສົກຮຽນປີ 2019 - 2020.

ຮອງປະທານຄະນະກຳມະການປະຊາຊົນນະຄອນດ່າໜັງ ເຈິ່ນ ວັນ ມຽນ (ຊ້າຍ) ແລະ ຜູ້ອຳນວຍການສູນການຮ່ວມມື ການລົງທຶນ ແລະ ການຄຸ້ມຄອງໂຄງການ ປະຈຳ ລາວ ນະຄອນດ່າໜັງ ຢູ່ແຂວງສາລະວັນ ເລ ວັນ ຮຸ່ງ ໄດ້ຮັບໃບຍ້ອງຍໍຈາກລັດຖະມົນຕີ ກະຊວງສຶກສາທິການ ແລະ ກິລາ ແຫ່ງ ສປປ ລາວ. (ພາບ: ດັ້ງເນີ້)

ໃນພິທີເປີດ, ການນຳນະຄອນດ່າໜັງ ໄດ້ມອບເງິນ ຈຳນວນ 100 ລ້ານດົງ ໃຫ້ສູນພາສາຫວຽດນາມແຂວງສາລະວັນ ເພື່ອຊື້ອຸປະກອນຮັບໃຊ້ການຮຽນ - ການສິດສອນ.

ໃນໂອກາດນີ້, ຮອງປະທານຄະນະກຳມະການປະຊາຊົນດ່າໜັງ ທ່ານ ເຈິ່ນ ວັນ ມຽນ ແລະ ຜູ້ ອຳນວຍການສູນການຮ່ວມມື ການລົງທຶນ ແລະ ການຄຸ້ມຄອງໂຄງການປະຈຳ ລາວ ນະຄອນ ດ່າໜັງ ຢູ່ແຂວງສາລະວັນ ເລ ວັນ ຮຸ່ງ  ໄດ້ຮັບໃບຍ້ອງຍໍຈາກ ລັດຖະມົນຕີ ກະຊວງສຶກສາທິການ ແລະ ກິລາ ແຫ່ງ ສປປ ລາວ. ໃນຕອນເຊົ້າຂອງວັນດຽວກັນ, ຄະນະຜູ້ແທນນະຄອນດ່າໜັງ ໄດ້ໄປຢ້ຽມຢາມຫ້ອງການຂອງສູນການຮ່ວມມື, ການລົງທຶນ ແລະ ການຄຸ້ມຄອງໂຄງການ ປະຈຳລາວ ນະຄອນດ່າໜັງຢູ່ແຂວງສາລະວັນ (ສູນ).

ທ່ານເລຂາຄະນະພັກນະຄອນດ່າໜັງ ເຈີ່ນ ກວາງ ເຫງ໋ຍ ແລະ ບັນດາສະຫາຍໃນຄະນະຜູ້ແທນ ຢ້ຽມຊົມຮູບ ແລະພາບ ,ເອກະສານ ຈຳນວນໜຶ່ງ ຢູ່ ສູນດັ່ງກ່າວ. (ພາບ: ດັ້ງເນີ້)

ສູນດັ່ງກ່າວນີ້ແມ່ນການປະຕິບັດຕາມຂໍ້ຕົກລົງຂອງຄະນະກຳມະການປະຊາຊົນນະຄອນດ່າໜັງ ກ່ຽວກັບການຈັດຕັ້ງປະຕິບັດວຽກງານການຮ່ວມມື, ການລົງທືນ ແລະ ການຄຸ້ມຄອງໂຄງການໃນລາວ. ໃນປີ 2011, ສູນດັ່ງກ່າວມີ ຫ້ອງການຕັ້ງ ຢູ່ ນະຄອນປາກເຊ, ແຂວງຈຳ ປາສັກ. ຮອດປີ 2015, ຕາມພາລະກິດ, ຫ້ອງການຂອງສູນໄດ້ຍົກຍ້າຍໄປ ແຂວງສາລະວັນ. ອາຄານເຮັດວຽກນີ້ແມ່ນໄດ້ຮັບການສະ ໜັບສະໜູນຊ່ວຍເຫຼືອ ຈາກຄະນະກຳມະການປົກຄອງແຂວງສາລະວັນ ໃນເລື່ອງການຈັດແຈງສະຖານທີ່ໃຫ້. ປະຈຸບັນສູນດັ່ງກ່າວມີພະນັກງານ 4 ຄົນ ເຮັດວຽກປະຈຳຢູ່ຫ້ອງການ ແລະ ເຄື່ອນໄຫວເຮັດວຽກ ຢູ່ບັນດາແຂວງເພື່ອຜັນຂະຫຍາຍພາລະກິດການຮ່ວມມື, ຊ່ວຍເຫຼືອ ຢູ່ ສປປ ລາວ.

ທ່ານ ເຈີ່ນ ກວາງ ເຫງ໋ຍ, ເລຂາພັກນະຄອນດ່າໜັງ, ຫວັງເປັນຢ່າງຍິ່ງວ່າ:ພະນັກງານ, ລັດຖະກອນຂອງຫ້ອງການສູນທຸກຄົນ ຈົ່ງມີສຸຂະພາບແຂງແຮງ, ສູ້ຊົນປະຕິບັດສຳເລັດໜ້າທີ່, ທີ່ໄດ້ຮັບການມອບໝາຍຈາກນະຄອນດ່າໜັງ, ປະກອບສ່ວນຊຸກຍູ້ການຮ່ວມມື, ແລກປ່ຽນລະຫວ່າງ ນະຄອນດ່າໜັງ ກັບບັນດາແຂວງພາກໃຕ້ ແລະ ພາກກາງ ຂອງປະເທດລາວ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll