ຄະນະຊີ້ນໍາ 515 ທະຫານເຂດ 4 ເຮັດວຽກກັບຄະນະປະຕິບັດງານພິເສດແຂວງບໍລິຄຳໄຊ

08:51 2018/12/18

ຍສໝ - ຕອນບ່າຍວັນທີ 17 ທັນວາ, ຢູ່ແຂວງບໍລິຄໍາໄຊ, ສປປ ລາວ, ຄະນະຊີ້ນໍາ ຂອງຄະນະປະຕິບັດງານ 515 ທະຫານເຂດ 4 ໂດຍ ທ່ານພົນຈັດຕະວາ ຫງວ໋ຽນດຶກຮວ໋າ, ຫົວໜ້າຄະນະຊີ້ນໍາ 515 ທະຫານເຂດ 4 ນຳພາຄະນະໄດ້ໄປຢ້ຽມຢາມ ແລະ ເຮັດວຽກ ກັບ ຄະນະປະຕິບັດງານພິເສດແຂວງບໍລິຄຳໄຊ. ໃຫ້ການຕ້ອນຮັບ ແລະ ເຮັດວຽກ ກັບ ຄະນະຊີ້ນໍາ ຂອງຄະນະປະຕິບັດງານ 515 ທະຫານເຂດ 4 ມີ ທ່ານ ແດນປີ ມູນທະດີ, ຮອງເລຂາພັກແຂວງ, ຫົວໜ້າຄະນະປະຕິບັດງານພິເສດແຂວງບໍລິຄຳໄຊ.

ຄະນະຊີ້ນໍາ 515 ທະຫານເຂດ 4 ເຮັດວຽກກັບຄະນະປະຕິບັດງານພິເສດແຂວງບໍລິຄຳໄຊ
ບັນຍາກາດທີ່ການເຮັດວຽກ.(ພາບ: baoquankhu4.com.vn)

ທີ່ກອງປະຊຸມ, ສອງຝ່າຍໄດ້ຕີລາຄາໝາກຜົນການປະວສານສົມທົບກັນໃນການຊີ້ນໍາ, ຜັນຂະຫຍາຍວຽກງານຊອກຫາ, ທ້ອນໂຮມອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດເພື່ອຊາດໃນປາງສົງຄາມ ຢູ່ ແຂວງບໍລິຄໍາໄຊ. ພາຍຫຼັງ 2ປີ ແຫ່ງການຜັນຂະຫຍາຍແຜນການ-ການຊອກຫາ, ທ້ອນໂຮມ ອັດຖິທະຫານທີ່ເສຍສະຫຼະຊີວິດເພື່ອຊາດ ໃນລະດູແລ້ງປີ 2018-2019 ແລະ ຄະນະປະຕິບັດງານພິເສດ ແຂວງບໍລິຄຳໄຊ ໄດ້ຊີ້ນຳ ບັນດາອົງການ, ຂະແໜງການທີ່ກ່ຽວຂ້ອງ, ກຳລັງປະກອບອາວຸດ ແລະ ປະຊາຊົນ ຊ່ວຍເຫຼືອປະສານສົມທົບ ກັບ ກອງຂຸດຄົ້ນ ແລະ ທ້ອນໂຮມ ຂອງ ກອງບັນຊາການທະຫານ ແຂວງ ຮ່າຕິ໋ງ ດ້ານ ກຳລັງ, ພາຫະນະ, ແນະນຳໃຫ້ຄຳປຶກສາ ແລກປ່ຽນ ແລະ ຊອກຫາຂໍ້ມູນ ທະຫານວິລະຊົນ, ຫຼຸມຝັງສົບຂອງທະຫານ ທີ່ເສຍສະຫຼະ ແລະ ວຽກງານການປ້ອງກັນຄວາມປອດໄພ.ມາຮອດປປະບັນ ກອງຂຸດຄົ້ນ ແລະ ທ້ອນໂຮມ ຂອງກອງບັນຊາການທະຫານ ແຂວງຮ່າຕິ໋ງ ໄດ້ຂຸດຄົ້ນ ແລະ ທ້ອນໂຮມ ໄດ້ ຈຳນວນ 3 ອັດຖິແລ້ວ ໃນນັ້ນ ອັດຖິທີ 1 ພົບຢູ່ບ້ານ ຊົມຊື່ນ, ເມືອງ ບໍລິຄັນ ແລະ ອີກ2ອັດຖິ ຄົ້ນພົບ ແລະ ທ້ອນໂຮມໄດ້ຢູ່ບ້ານ ບົງ, ເມືອງປາກຊັນ ແລະ ບ້ານຫຼັກ 7 ເມືອງຄຳເກີດ ແຂວງບໍລິຄຳໄຊ.

ທ່ານພົນຈັດຕະວາ ຫງວຽນດຶກຮວ໊າ, ຫົວໜ້າຄະນະຊີ້ນໍາ 515 ທະຫານເຂດ 4 ຊາບຊຶມເນື້ອໃນການກວດກາຢູ່ກອງທ້ອນໂຮມກອງບັນຊາການທະຫານແຂວງຮ່າຕິ້ງ. (ພາບ: baoquankhu4.com.vn)

ເພື່ອຈັດຕັ້ງປະຕິບັດໃຫ້ໄດ້ຮັບໝາກຜົນດີ ໃນການຊອກຫາ ແລະ ທ້ອນໂຮມ ອັດຖິຂອງທະຫານຜູ້ເສຍສະຫຼະ ໃນລະດູແລ້ງ ປີ 2018-2019 ແລະ ໃນປີຕໍ່ໆໄປໃຫ້ໄດ້ຮັບໝາກຜົນດີ, ຄະນະຊີ້ນຳ 515 ທະຫານເຂດ 4 ສະເໜີ ໃຫ້ຄະນະປະຕິບັດງານພິເສດ ທັງສອງແຂວງ ຮ່າຕິ໋ງ ແລະ ແຂວງ ບໍລິຄຳໄຊ ສືບຕໍ່ປະສານສົມທົບ ໃນການຊີ້ນຳການຊອກຫາ ແລະ ທ້ອນໂຮມ ນຳສົ່ງ ອັດຖິຂອງທະຫານອາສາສະໝັກ ແລະ ຊ່ຽວຊານຫວຽດນາມ ຜູ້ເສຍສະຫຼະໃນປາງສົງຄາມ ພາຍໃນແຂວງບໍລິຄຳໄຊ ກັບສູ່ບ້ານເກີດເມືອງນອນ ຈົນກະທັ້ງວ່າບໍ່ມີອັດຖິຂອງທະຫານຜູ້ໃດຍັງເຫຼືອຢູ່ອີກ. ສອງແມ່ນສະເໜີໃຫ້ ຄະນະຊີ້ນຳພິເສດແຂວບໍລິຄຳໄຊ ຊີ້ນຳບັນດາອົງການ ທະຫານ, ຕຳຫຼວດ ສົ່ງພະນັກງານເຂົ້າຮ່ວມໃນການເຄື່ອນໄຫວ ທ້ອນໂຮມຂອງ ກອງບັນຊາການທະຫານແຂວງ ຮ່າຕິ໋ງ ເພື່ອນຳທາງ, ປ້ອງກັນ, ຕິດຕໍ່ພົວພັນ ກັບ ອຳນາດການປົກຄອງທ້ອງຖິ່ນ ແລະ ປະຊາຊົນ ແກ້ໄຂບັນຫາ ທີ່ກ່ຽວຂ້ອງກັບການປະຕິບັດພາລະກິດ.

ຄະນະຊີ້ນໍາ 515 ທະຫານເຂດ 4 ເຄື່ອນທັບໄປເຖິງສະຖານທີ່ກວດກາຕົວຈິງ ເຊິ່ງແມ່ນບ່ອນທີ່ພະນັກງານ, ພາລະກອນກອງທ້ອນໂຮມກອງບັນຊາການທະຫານແຂວງຮ່າຕິ້ງ ພວມຊອກຫາອັດຖິທະຫານທີ່ເສຍສະຫຼະຊີວິດເພື່ອຊາດ. (ພາບ: baoquankhu4.com.vn)
ຫົວໜ້າຄະນະຊີ້ນໍາ 515 ທະຫານເຂດ 4 ແລະຄະນະປະຕິບັດງານກວດກາຂໍ້ມູນກ່ຽວກັບຂຸມຝັງສົບທະຫານທີ່ເສຍສະຫຼະຊີວິດເພື່ອຊາດຢູ່ເມືອງບໍລິຄັນ. (ພາບ: baoquankhu4.com.vn)

ໂອກາດນີ້ ຄະນະຊີ້ນຳ 515 ທະຫານເຂດ 4 ກໍ່ໄດ້ລົງກວດກາ  ກອງຂຸດຄົ້ນ ແລະ ທ້ອນໂຮມ ກອງບັນຊາການທະຫານແຂວງຮ່າຕິ໋ງ ທີ່ກຳລັງປະຕິບັດງານ ຊອກຫາ ອັດຖິຂອງທະຫານຜູ້ເສຍສະຫຼະ ຢູ່ບ້ານຊົມຊື່ນ, ເມືອງບໍລິຄັນ ແຂວງບໍລິຄຳໄຊ ; ກວດກາເອກກະສານ, ລະບົບການລົງທະບຽນ, ແຜນການຈັດຕັ້ງປະຕິບັດ ແລະ ການເຄື່ອນໄຫວ ດ້ານການທະຫານ, ການເມືອງ, ພາລາທິການ ແລະ ເຕັກນິກຕ່າງຂອງໜ່ວຍງານດັ່ງກ່າວ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll