ກອງປະຊຸມກ່ຽວກັບການຈັດງານພົບປະມິດຕະພາບຊາຍແດນ ລາວ-ຫວຽດ ຄົບຮອບ 15 ປີ ແຫ່ງການແຮກສ່ຽວ

08:55 2019/07/11

ເມື່ອມໍ່ໆມານີ້, ຢູ່ທີ່ຫ້ອງປະຊຸມ ຫ້ອງວ່າການປົກຄອງເມືອງນອງ ແຂວງສະຫວັນນະເຂດ ທາງຄະນະທິມງານ ກອງບັນຊາການທະຫານຊາຍແດນ ແຂວງກວາງຈິ ສ.ສ ຫວຽດນາມ ເຊິ່ງນໍາໂດຍ ທ່ານ ພັທ ເຈິ່ນ ຕ່ວນ ແອັ໋ງ ຮອງກອງບັນຊາການທະຫານຊາຍແດນ ແລະ ທິມງານຈຳນວນ 6 ສະຫາຍ ແລະ ໃຫ້ກຽດຕ້ອນຮັບໂດຍ ທ່ານແຕງອ່ອນ ຈັນທະລະນອງ ຮອງເຈົ້າເມືອງໆນອງ, ມີຄະນະຫ້ອງການ, ຫົວໜ້າຫ້ອງການ, ຫົວໜ້າ ປກສ,ປກຊ ເຂົ້າຮ່ວມ.

ກອງປະຊຸມກ່ຽວກັບການຈັດງານພົບປະມິດຕະພາບຊາຍແດນ ລາວ-ຫວຽດ ຄົບຮອບ 15 ປີ ແຫ່ງການແຮກສ່ຽວ
ບັນຍາກາດກອງປະຊຸມປຶກສາຫາລືສອງຝ່າຍ.

ກອງປະຊຸມໄດ້ກຳນົດການວາງແຜນງານຢ່າງລະອຽດ ກ່ຽວກັບ ການຈັດງານພົບປະມິດຕະພາບຊາຍແດນ ລາວ-ຫວຽດນາມ ຄົບຮອບ 15 ປີ ແຫ່ງການແຮກສ່ຽວທັງສອງຝ່າຍ ລະຫວ່າງ ບ້ານ ກະຕັງ ເມືອງເຮືອງຮວ້າ ແຂວງ ກວາງຈິ ສ.ສ ຫວຽດນາມ ກັບ ບ້ານ ແດນສະຫວັນ ເມືອງເຊໂປນ ແຂວງສະຫວັນນະເຂດ ແລະ ບ້ານລຽບຕາມຊາຍແດນ ລາວ-ຫວຽດນາມ ເຊັ່ນ: ບ້ານ ແດນວິໄລ ເມືອງນອງ ແຂວງສະຫວັນນະເຂດ ກັບບ້ານ ຕານົວ ເມືອງເຮືອງຮວ້າ ແຂວງກວາງຈິ ສສ ຫວຽດນາມ ທີ່ຈະໄດຈັດຂຶ້ນໃນວັນທີ 29-30 ກໍລະກົດ 2019 ທີ່ ຢູ່ທີ່ ໂຮງແຮມ ບ໋າວເກື໋ອງເທດ ສະບານລາວບາວ ເມືອງເຮືອງຮວ້າ ທີ່ຈະມາຮອດໃນໝໍ່ໆນີ້.

ສ່ວນວຽກງານການປຶກສາຫາລື ແລກປ່ຽນບົດຮຽນເຊິ່ງກັນ ແລະ ກັນໃນຄັ້ງນີ້ມີ 2 ຈຸດປະສົງໃຫຍ່ຄື: ທາງກອງບັນຊາການ ທະຫານແຂວງກວາງຈິ ຈະໄດ້ມອບທຶນໃຫ້ນ້ອງນ້ອຍນັກຮຽນ ຜູ້ທີ່ມີຄວາມຮູ້ຄວາມສາມາດ ຮຽນເກັ່ງມອບໃຫ້ 5 ທຶນ ໃນຈຳນວນ 5 ລ້ານດົງ ຕໍ່ຄົນ ໃຫ້ກັບນ້ອງນັກຮຽນ ລຽບຕາມຊາຍແດນ ແລະ ຈະໄດ້ມອບແນວພັນງົວ ໃຫ້ກັບ 5 ຄອບຄົວ ລຽບຕາມຊາຍແດນນຳອີກ, ບົນພື້ນຖານ ການຕົກ ລົງເຫັນດີເປັນເອກະພາບກັນ ຂອງທັງສອງຝ່າຍ ເພື່ອເຮັດໃຫ້ງານປະສົບຜົນສຳເລັດໄປດ້ວຍດີ, ການມອບງົວແມ່ນຈະໄດ້ມອບກ່ອນມື້ງານຄື: ກຳນົດເອົາວັນທີ 23 ກໍລະກົດ 2019 ສ່ວນການມອບທຶນໃຫ້ກັບນ້ອງນ້ອຍນັກຮຽນແມ່ນຈະໄດ້ມອບໃນມື້ງານ ວັນທີ 29 ກໍລະກົດ 2019, ຈະໄດ້ມີການປູກຕົ້ນໄມ້ມິດຕະພາບ, ການເຄົາລົບຫຼັກໝາຍຊາຍແດນໃນຄ່ຳຄືນ ຂອງວັນທີ 30 ກໍລະກົດ 2019 ເວລາ 16 ໂມງ ແມ່ນຈະໄດ້ມີການຮັບປະທານພາເຂົ້າສາມັກຄີ, ຈະໄດ້ຮັບຊົມການຖ່າຍທຳ ສະລະຄະດີ ຂອງການຈັດຕັ້ງປະຕິບັດ ການກະກຽມງານດັ່ງກ່າວ, ຮັບຊົມການສະແດງສິນລະປະວັນນະຄະດີ ທັງສອງຝ່າຍຢ່າງເບີກບານມ່ວນຊື່ນ ແລະ ອົບອຸ່ນ. 

ຄະນະຜູ້ແທນແຂວງກວ້າງຈິ ມອບຂອງທີ່ລະລຶກໃຫ້ແກ່ ຄະນະຜູ້ແທນແຂວງສະຫວັນນະເຂດ.

ໃນຕອນທ້າຍຂອງພິທີຍັງໄດ້ມີການເຊັນບົດບັນທຶກເພື່ອເຮັດໃຫ້ການຈັດຕັ້ງປະຕິບັດວຽກງານໃນຄັ້ງນີ້ມີຜົນສຳເລັດຢ່າງຈົບງານ ແລະ ມີຜົນສັກສິດ ຈາກນັ້ນທາງຄະນະທິມງານ ແຂວງກວາງຈິ ຍັງໄດ້ມີຂອງຝາກເລັກໆນ້ອຍໆໃຫ້ກັບການນຳເມືອງນອງ.

(ແຫຼ່ງ​ຂໍ້​ມູນ​: ຫ້ອງການ ຖວທ ເມືອງນອງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll