4 ແຂວງພາກເໜືອ ລາວ-ຫວຽດນາມ ສົ່ງເສີມການຮ່ວມມືດ້ານການຄ້າຊາຍແດນ

14:39 2019/07/03

ກອງປະຊຸມສົ່ງເສີມການຮ່ວມມືການຄ້າຊາຍແດນ 4 ແຂວງພາກເໜືອຂອງ​ລາວ ​ເຊິ່ງປະກອບ​ມີ ແຂວງຊຽງຂວາງ, ຫົວພັນ, ຫລວງພະບາງ ​ແລະ ​ແຂວງຜົ້ງສາລີ ແລະ 4ແຂວງພາກ ເໜືອຂອງ ສສ ຫວຽດນາມຄື: ແຂວງເຫງະອານ, ເຊີນລາ, ແທ໋ງຮວາ ແລະ ແຂວງດຽນບຽນ ຈັດຂຶ້ນ ຢູ່​ແຂວງ​ຊຽງ​ຂວາງ​ ໃນ​ທ້າຍ​ເດືອນ​ມິຖຸນາ​ ຜ່ານ​ມາ ​ໂດຍ​ມີ ທ່ານ ບົວສອນ ສີນວນທອງ ຮອງເຈົ້າແຂວງໆຊຽງຂວາງ, ທ່ານ ຫວູດັງແມ້ງ ຫົວໜ້າກົງສູນໃຫຍ່ປະຈຳພາກເໜືອລາວ ທີ່ນະຄອນຫລວງພະບາງ, ມີ​ທ່ານຮອງເຈົ້າແຂວງໆຫົວພັນ, ຮອງເຈົ້າແຂວງໆຜົ້ງສາລີ ​ແລະ ພາກສ່ວນ​ກ່ຽວຂ້ອງສອງຝ່າຍເຂົ້າຮ່ວມ.

4 ແຂວງພາກເໜືອ ລາວ-ຫວຽດນາມ ສົ່ງເສີມການຮ່ວມມືດ້ານການຄ້າຊາຍແດນ
ບັນດາຜູ້ແທນເຂົ້າຮ່ວມກອງປະຊຸມຖ່າຍຮູບລວມ.(ພາບ: ຂປລ)

ກອງປະຊຸມໄດ້ຮັບຟັງການລາຍງານການຈັດຕັ້ງປະຕິບັດວຽກງານການຄ້າຈຳນວນ 8 ແຂວງ ໂດຍສະເພາະແມ່ນການຄ້າຕາມຊາຍແດນ, ສິນຄ້າຜ່ານແຕ່ລະດ່ານລາວ ແລະ ຫວຽດນາມ, ພ້ອມ​ທັງໄດ້ປຶກສາຫາລືຊອກຫາທາງອອກວິທີແກ້ໄຂການຜະລິດຂອງປະຊາຊົນລາວ​ເຊິ່ງຍັງເປັນແບບຄອບຄົວຍັງບໍ່ທັນເປັນສິນຄ້າ, ປັບນະໂຍບາຍສະເໝີຕົ້ນສະເໝີປາຍ, ຍົກລະດັບວຽກງານຊາຍແດນ ແລະ ແກ້ໄຂຂອດ ທີ່ເຮັດໃຫ້ການຄ້າ ມີຄວາມຫຍຸ້ງຍາກ, ຍົກລະດັບເສັ້ນທາງ ດ່ານໃຫ້ມີຄຸນນະພາບ, ຕ້ອງຮັບປະກັນຜົນປະໂຫຍດຂອງລັດນັກທຸລະກິດ ແລະ ຜູ້ອອກແຮງງານ, ດ່ານສາກົນຕ້ອງເປີດເຕັມໂມງເວລາ, ການຄ້າຊາຍແດນ ເປັນທາງອອກໜຶ່ງ ໃນການແກ້ໄຂຄວາມທຸກຍາກ, ການຜະລິດສິນຄ້າ ບໍ່ຈຳກັດໃນການສົ່ງອອກ, ຈັດເກັບອາກອນຕ່າງໆຢູ່ຈຸດດຽວ, ສອງແຂວງຊາຍແດນຕ້ອງຮ່ວມມືໃນການສົ່ງເສີມຜະລິດເປັນສິນຄ້າຜ່ານຊາຍແດນ, ຊອກຫາຕະຫລາດໃຫ້ປະຊາຊົນຜູ້ຜະລິດ, ເກັບກຳຂໍ້ມູນສິນຄ້າ ຜ່ານດ່ານປະເພນີດ່ານທ້ອງຖິ່ນເພື່ອຍົກລະດັບໃຫ້ເປັນດ່ານສາກົນ.

​ໃນເຂດພາກເໜືອຂອງລາວມີຊາຍແດນຕິດຈອດກັບ 4 ແຂວງຂອງຫວຽດນາມປະກອບມີ 3 ດ່ານສາກົນ, 4 ດ່ານທ້ອງຖິ່ນ, 5 ດ່ານປະເພນີ ແລະ ເສັ້ນທາງອອກຫລາຍເສັ້ນ ​ເຊິ່ງ​ເປັນບໍລິເວນມີຄວາມບົ່ມຊ້ອນການພັດທະນາເປັນປະຕູໄປມາຄ້າຂາຍແລກປ່ຽນສິນຄ້ານຳກັນລະຫ່ວາງຫວຽດນາມ ແລະ ລາວ.  ການແລກປ່ຽນສິນຄ້າສອງປະເທດ ໃນປີ 2018 ບັນລຸໄດ້ 1 ຕື້ກວ່າໂດລາສະຫະລັດເພີ່ມຂຶ້ນ 13% ທຽບໃສ່ປີ 2017 ​ແລະ ​ໃນປີ 2019 ລັດຖະບານສອງປະເທດໄດ້ວາງຄາດໝາຍສູ້ຊົນການແລກປ່ຽນສິນຄ້າລະຫ່ວາງສອງປະເທດເພີມ 10% ຂຶ້ນໄປ.

(ແຫຼ່ງ​ຂໍ້​ມູນ​: ຂປລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll