ເພີ່ມທະວີຮ່ວມມື ລະຫວ່າງ ໜັງສືພິມ ຮ່າໂນ້ຍໃໝ່ ແລະ ໜັງສືພິມ ວຽງຈັນໃໝ່

08:20 2018/11/19

ຍສໝ - ຕອນບ່າຍຂອງວັນທີ 19 ພະຈິກ, ທີ່ນະຄອນຫຼວງວຽງຈັນ ສປປ ລາວ, ຄະນະຜູ້ແທນ ໜັງສືພິມຮ່າໂນ້ຍໃໝ່ ໂດຍ ສະຫາຍ ເລ່ ຮວ່າງແອັງ, ຮອງບັນນາທິການ ເປັນຫົວໜ້ານຳພາ ໃນການແລກປ່ຽນວິຊາສະເພາະ ກັບ ໜັງສືພິມວຽງຈັນໃໝ່ ເຊິ່ງນຳໂດຍ ສະຫາຍ ທອງເລື່ອນ ພິມມະເສນ ບັນນາທິການໃຫຍ່ ຂອງໜັງສືພິມ.

ເພີ່ມທະວີຮ່ວມມື ລະຫວ່າງ ໜັງສືພິມ ຮ່າໂນ້ຍໃໝ່ ແລະ ໜັງສືພິມ ວຽງຈັນໃໝ່
ການນຳ ໜັງສືພິມຮ່າໂນ້ຍໃໝ່ ມອບຂອງຂວັນທີ່ລະນຶກໃຫ້ແກ່ການນຳ ໜັງສືພິມວຽງຈັນໃໝ່. (ພາບ: hanoimoi.com.vn)

ນັບແຕ່ປີ 2004 ຮອດປະຈຸບັນນີ້, ພາຍໃຕ້ການຊີ້ນຳຂອງຄະນະພັກ, ອຳນາດການປົກ ນະຄອນຫຼວງວຽງຈັນ ແລະ ຄະນະພັກ, ອຳນາດການປົກຄອງນະຄອນຫຼວງຮ່າໂນ້ຍ, ໜັງສືພິມທັງສອງ ໄດ້ມີການປະກອບສ່ວນ ອັນໜ້າເພິ່ງພໍ່ໃຈໃນການເສີມສ້າງ ສາຍສຳພັນຮ່ວມມືພິເສດໃນຫຼາຍຂົງເຂດ ແລະ ກາຍເປັນແບບຢ່າງໃນຂະບວນການເພີ່ມຂະຫຍາຍ ຄວາມສາມັກຄີ, ການຮ່ວມມືຮອບດ້ານ ລະຫວ່າງ ລາວ - ຫວຽດນາມ ເວົ້າລວມ ແລະ ເວົ້າສະເພາະກໍ່ຄືໃນຂົງເຂດສື່ມວນຊົນຂອງສອງປະເທດ.

ໃນການພົບປະ ແລກປ່ຽນຄັ້ງນີ້, ການນຳຂອງທັງສອງ ໜັງສື ໄດ້ລາຍງານໃຫ້ກັນ ແລະ ກັນ ກ່ຽວກັບ ສະພາບການພັດທະນາ ຂອງໜັງສືພິມຮ່າໂນ້ຍໃໝ່ ແລະ ໜັງສືພິມວຽງຈັນໃໝ່ ໃນໄລຍະຜ່ານມາກໍ່ຄືປະສົບການດຳເນີນງານ ເຫດການສຳຄັນຕ່າງໆ, ທິດທາງການພັດທະນາ ຂອງໜັງສືພິມ ທັນສະໄໝ, ພັດທະນາເສດຖະກິດ ໜັງສືພິມ...

ສະຫາຍ ທອງເລື່ອນ ພິມມະເສນ ຢັ້ງຢືນວ່າ: “ພວກເຮົາຕີລາຄາສູງກ່ຽວກັບຜົນສຳເລັດທີ່ໄດ້ບັນລຸ ໃນວຽກງານການສ້າງ ສາຍສຳພັນພິເສດ, ຮ່ວມມືອັນແໜ້ນແຟ້ນ ແລະ ມີປະສິດທິຜົນ ລະຫວ່າງ ໜັງສືພິມວຽງຈັນ ແລະ ໜັງສຶພິມຮ່າໂນ້ຍໃໝ່. ທັງສອງໜັງສືພິມພວກເຮົາ ໄດ້ຮ່ວມກັນເພີ່ມທະວີສາຍສຳພັນ ຢ່າງເປັນປົກກະຕິ, ຊ່ວຍເຫຼືອເຊິ່ງກັນ ແລະ ກັນໃນຫຼາຍຂົງເຂດ ດ້ວຍວິທີຕ່າງໆເປັນຕົ້ນແມ່ນ: ປ່ຽນຜຽນກັນຢ້ຽມຢາມ ແລະ ເຮັດວຽກ, ຮ່ວມມື, ຊ່ວຍເຫຼືອເຊິ່ງກັນ ແລະ ກັນໃນຂົງເຂດຂໍ້ມູນເທັກໂນໂລຊີ, ຝຶກອົບຮົມວິຊາສະເພາະ, ແລກປ່ຽນປະສົບການ ໃນການຄຸ້ມຄອງ, ພັດທະນາໜັງສືພິມ ແລະ ບັນດາຂົງເຂດອື່ນໆ. ສິ່ງນີ້ສ້າງເງື່ອນໄຂໃຫ້ສອງໜັງສືພິມພວກເຮົາພັດທະນາໝັ້ນແກ່ນ, ສຳເລັດໜ້າທີ່ການເມືອງອັນມີກຽດສະຫງ່າຂອງຕົນ ແລະ ໄດ້ປະກອບສ່ວນສຳຄັນໃນວຽກງານປັບປຸງເພີ່ມພູນຄູນສ້າງສາຍສຳພັນພິເສດ, ຮ່ວມມືຮອບດ້ານ ລະຫວ່າງ ສອງຊາດ ລາວ - ຫວຽດນາມ ໝັ້ນຄົງຕະຫຼອດການ...”.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll