ຫວຽດນາມ - ລາວ: ເພີ່ມພູນຄູນສ້າງສາຍພົວພັນມິດຕະພາບ ແລະ ການຮ່ວມມືລະຫວ່າງກອງທັບ ແລະ ປະຊາຊົນສອງປະເທດ

22:42 2019/06/21

ຍສໝ - ໃນຕອນເຊົ້າຂອງວັນທີ 20 ມິຖຸນາ 2019, ຄະນະປະຕິບັດງານກະຊວງປ້ອງກັນປະເທດລາວ ນໍາໂດຍ ທ່ານພັນເອກ ຄຳຍໍ ລິນຊົມພູ ຫົວໜ້າການທະຫານກອງພົນທີ 4 ໄດ້ມາຢ້ຽມຢາມ ແລະ ເຮັດວຽກກັບກອງບັນຊາການທະຫານແຂວງເງ້ອານ ສສ ຫວຽດນາມ.

ຫວຽດນາມ - ລາວ: ເພີ່ມພູນຄູນສ້າງສາຍພົວພັນມິດຕະພາບ ແລະ ການຮ່ວມມືລະຫວ່າງກອງທັບ ແລະ ປະຊາຊົນສອງປະເທດ
ຄະນະປະຕິບັດງານກະຊວງປ້ອງກັນປະເທດລາວ ຖ່າຍຮູບເປັນທີ່ລະນຶກກັບກອງບັນຊາການທະຫານແຂວງເງ້ອານ.(ພາບ:baonghean.vn)

ທີ່ການເຮັດວຽກ, ຄະນະປະຕິບັດງານກະຊວງປ້ອງກັນປະເທດລາວ ແລະ ກອງບັນຊາການທະຫານແຂວງເງ້ອານ ໄດ້ແລກປ່ຽນ, ເຫັນດີເປັນເອກະພາບບາງເນື້ອໃນ, ວິທີການສົມທົບກັນເຄື່ອນໄຫວໃນໄລຍະຈະມາເຖິງ. ກອງບັນຊາການທະຫານແຂວງເງ້ອານ  ໄດ້ລາຍງານກັບຄະນະປະຕິບັດງານກະຊວງປ້ອງກັນປະເທດລາວ ບາງຈຸດຕົ້ນຕໍກ່ຽວກັບຈຸດພິເສດຂອງພູມີປະເທດ, ປະຫວັດສາດ, ວັດທະນະທໍາແຂວງເງະອານ. ສະພາບການພັດທະນາເສດຖະກິດ-ສັງຄົມໃນບໍລິເວນແຂວງ ໃນ 6 ເດືອນຕົ້ນປີ.

ຄະນະປະຕິບັດງານກະຊວງປ້ອງກັນປະເທດລາວ ມອບຂອງຂວັນທີ່ລະນຶກໃຫ້ກອງບັນຊາການທະຫານແຂວງເງ້ອານ.(ພາບ:baonghean.vn)

ໃນໄລຍະຜ່ານມາ,​ກອງບັນຊາການທະຫານແຂວງເງ້ອານ ໄດ້ປະຕິບັດວຽກງານພົວພັນຕ່າງປະເທດດ້ານປ້ອງກັນຊາດ, ຈັດຕັ້ງສໍາເລັດຊຸດຝຶກອົບຮົມບໍາລຸງຄວາມຮູ້ດ້ານການທະຫານ, ການປ້ອງກັນຊາດໃຫ້ແກ່ພະນັກງານກອງບັນຊາການທະຫານແຂວງຊຽງຂວາງ. ກອງບັນຊາການທະຫານຊາຍແດນແຂວງເງ້ອານ ໄດ້ ແລະ ກໍາລັງເປັນເສນາທິການໃນການປະກາດໃຊ້ແຜນຮ່າງ “ໜູນຊ່ວຍ, ຊ່ວຍເຫຼືອ 7 ກອງຮ້ອຍທະຫານຊາຍແດນສັງກັດ 3 ແຂວງຕິດກັບຊາຍແດນ, ສປປ ລາວ" ແລະ ອື່ນໆ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll