ຫວຽດນາມ - ລາວ: ຍູ້ແຮງການຮ່ວມມືດ້ານວັດທະນະທໍາ ແລະ ສິລະປະ

10:21 2019/06/23

ຍສໝ - ຊຸດຝຶກອົບຮົມແມ່ນການເຄື່ອນໄຫວໃນຂອບເຂດການຮ່ວມມືລະຫວ່າງຂະແໜງການວັດທະນະທໍາສອງປະເທດ, ຮັກສາ ແລະ ພັດທະນາຂະແໜງສິລະປະການສະແດງຂອງລາວ. ພິທີປິດຊຸດຝຶກອົບຮົມການປະດິດແຕ່ງ ແລະ ກໍາກັບການຟ້ອນໃຫ້ບັນດານັກສິລະປິນລາວ ໄດ້ດໍາເນີນໃນຕອນຄໍ່າວັນທີ 21 ມິຖຸນາ 2019 ຢູ່ນະຄອນຫຼວງວຽງຈັນ ສປປ ລາວ.

ຫວຽດນາມ - ລາວ: ຍູ້ແຮງການຮ່ວມມືດ້ານວັດທະນະທໍາ ແລະ ສິລະປະ
ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ລາວ ມອບໃບຍ້ອງຍໍໃຫ້ບັນດານັກສິລະປິນຫວຽດນາມ ທີ່ເຂົ້າຮ່ວມຊຸດຝຶກອົບຮົມ.(ພາບ:nhandan.com.vn) 

ຊຸດຝຶກອົບຮົມໄດ້ດໍາເນີນໃນ 3  ເດືອນດ້ວຍນັກສໍາມະນາກອນ 40 ຄົນແມ່ນນັກສິລະປິນຂອງກົມສິລະປະການສະແດງ, ຄະນະສິລະປະແຫ່ງຊາດ, ຄະນະສິລະປະກອງທັບ, ຄະນະສິລະປະກະຊວງປ້ອງກັນຄວາມສະຫງົບ, ສູນວັດທະນະທໍາເຍົາວະຊົນສູນກາງ ແລະ ບັນດາແຂວງທັງ 3 ພາກເໜືອ-ກາງ-ໃຕ້ລາວ. 

ທີ່ພິທີປິດຊຸດຝຶກອົບຮົມການປະດິດແຕ່ງ ແລະ ກໍາກັບການຟ້ອນໃຫ້ບັນດານັກສິລະປິນລາວ, ບັນດານັກສໍາມະນາກອນໄດ້ສະແດງລາຍການຟ້ອນທີ່ດີເລີດເຊິ່ງຫາກໍ່ຈັດສ້າງຂຶ້ນໃນເວລາເປີດຊຸດຝຶກອົບຮົມຈໍານວນໜຶ່ງ. ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວລາວ ໄດ້ມອບໃບຢັ້ງຢືນປະເພດເກັ່ງ ແລະ ດີເລີດໃຫ້ບັນດານັກສໍາມະນາກອນ, ພ້ອມທັງມອບໃບຍ້ອງຍໍໃຫ້ບັນດານັກສິລະປິນຫວຽດນາມ ທີ່ເຂົ້າຮ່ວມຊຸດຝຶກອົບຮົມຄັ້ງນີ້.

ລາຍການໂດຍນັກສໍາມະນາກອນສະແດງ.(ພາບ:nhandan.com.vn)

ຊຸດຝຶກອົບຮົມໄດ້ຮັບການແລກປ່ຽນບົດຮຽນຊ່ວຍຜູ້ປະດິດແຕ່ງ ແລະກຳກັບການສະແດງ, ນັກສະແດງຂອງລາວ ໄດ້ສຳຜັດກັບບັນດາທັກສະໃໝ່ຈາກບັນດານັກສິລະປິນຟ້ອນຂອງຫວຽດນາມ ຄື: ຜູ້ກຳກັບການສະແດງ ໂດ້ ຕຽນ ທິ້ງ, ນັກສິລະປິນປະຊາຊົນ ຮ່າ ກີມ ຈຸງ, ນັກສິລະປິນ ໂຮ່ ມານ ແອງ.

ນີ້ແມ່ນການເຄື່ອນໄຫວໃນຂອບເຂດຮ່ວມມືລະຫວ່າງຂະແໜງການວັດທະນະທໍາສອງປະເທດ, ເພື່ອແນໃສ່ຮັກສາ ແລະ ພັດທະນາຂະແໜງສິລະປະການສະແດງຂອງລາວ ກວ່າອີກ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll