ໜັງສືພິມ ເທີ່ຍດ້າຍ ມອບອຸບປະກອນກິລາ ໃຫ້ແກ່ນ້ອງນັກຮຽນລາວ ຢູ່ຫວຽດນາມ

00:54 2019/05/13

ຍສໝ - ຕອນເຊົ້າຂອງວັນທີ 19 ມັງກອນ, ຢູ່ ສະຖານທູດແຫ່ງ ສປປ ລາວ ປະຈຳ ສສ ຫວຽດນາມ, ໜັງສືພິມເທີ່ຍດ້າຍ ໄດ້ມອບ ໂຕະປິງປ່ອງ ຈຳນວນ 2 ຊຸດ ໃຫ້ແກ່ຄະນະນັກສຶກສາລາວ ຢູ່ ສູນລວມນັກສຶກສາລາວ ຮ່າໂນ້ຍ.

ໜັງສືພິມ ເທີ່ຍດ້າຍ ມອບອຸບປະກອນກິລາ ໃຫ້ແກ່ນ້ອງນັກຮຽນລາວ ຢູ່ຫວຽດນາມ

ເຂົ້າຮ່ວມໃນພິທີການມອບຮັບຄັ້ງນີ້ ມີ: ທ່ານ ຟານ ຮົ່ງເຊີນ ຮອງບັນນາທິການ ໜັງສຶພິມເທີ່ຍດ້າຍ ພ້ອມທັງພະນັກງານ ແລະ ນັກຂ່າວຂອງໜັງສືພິມເທີ່ຍດ້າຍເຂົ້າຮ່ວມ.

ຝ່າຍລາວປະກອບມີ ທ່ານ ວຽງໄຊ ດາລາແສງ ອັກຄະທູດທີ່ປຶກສາ ທູດລາວປະຈຳຮ່າໂນ້ຍ ພ້ອມທັງບັນດາພະນັກງານສະຖານທູດ ແລະ ນ້ອງນັກຮຽນລາວ ທີ່ກຳລັງສຶກສາຮຳ່ຮຽນ ຢູ່ ຫວຽດນາມ ເຂົ້າຮ່ວມຢ່າງພ້ອມພຽງ.

ເປົ້າໝາຍເພື່ອເສີມສ້າງການແລກປ່ຽນ ແລະ ຝຶກຝົນຫຼໍ່ຫຼອມຮ່າງກາຍ, ສຸຂະພາບ ໃຫ້ແກ່ນ້ອງນັກຮຽນລາວ, ໜັງສືພິມ ເທີ່ຍດ້າຍ ໄດ້ມອບໂຕະປິງປ່ອງ ແລະ ອຸປະກອນຈຳນວນໜຶ່ງ ໃຫ້ແກ່ຄະນະນັກສຶກສາລາວ ຢູ່ ສູນລວມນັກສຶກສາລາວ ຮ່າໂນ້ຍ. ໂຕະປິງປ່ອງດັ່ງກ່າວແມ່ນຕິດຕັ້ງຢູ່ ຫໍພັກສູນລວມນັກສຶກສາລາວ ຮ່າໂນ້ຍ.

ທ່ານ ຟານ ຮົ່ງເຊີນ ຮອງບັນນາທິການ ໜັງສຶພິມເທີ່ຍດ້າຍ.

ທ່ານ ຟານ ຮົ່ງເຊີນ ໄດ້ກ່າວວ່າ: ຂອງຂວັນດັ່ງກ່າວສະແດງເຖິງຄວາມເອົາໃຈໃສ່, ນ້ຳໃຈມິດຕະພາບ ຂອງ ໜັງສຶພິມເທີ່ຍດ້າຍ ທີ່ມີຕໍ່ນັກສຶກສາລາວ ເວົ້າລວມ ແລະ ຂອງປະຊາຊົນຫວຽດນາມ ທີ່ມີຕໍ່ປະເທດເພື່ອນບ້ານລາວອ້າຍນ້ອງເວົ້າລວມ. ທ່ານ ເຊີນ ຍັງຫວັງເປັນຢ່າງຍິ່ງວ່າ ຂອງຂວັນດັ່ງກ່າວນີ້ ຈະປະກອບສ່ວນເຂົ້າໃນການສ້າງເສີມສຸຂະພາບ ແລະ ມີປະໂຫຍດ ເຂົ້າໃນການດຳລົງຊີວິດກໍ່ຄືການເຄື່ອນໄຫວກິລາຂອງນ້ອງນັກຮ່ຽນລາວ ບໍ່ຫຼາຍກໍ່ໜ້ອຍ.

ໃນໂອກາດດັ່ງກ່າວ ທ່ານ ຟານ ຮົ່ງເຊີນ ກໍ່ໄດ້ນຳສະເໜີ ເຖິງບັນດາແຂກທີ່ເຂົ້າຮ່ວມ ໜ້າໜັງສຶພິມ ເທີ່ຍດ້າຍ ທັງພາສາຫວຽດ ແລະ ພາສາລາວ, ພາກພາສາລາວ ມີທີ່ຢູ່ ແມ່ນ : huunghivietlao.thoidai.com.vn. ໜ້າໜັງສຶພິມດັ່ງກ່າວມີຄວາມຫຼາກຫຼາຍ, ເປັນເອກກະລັກ; ແນະນຳພາບລວມຂອງປະເທດ, ວິຖີຊີວິດປະຈຳວັນຂອງປະຊາຊົນຫວຽດນາມ; ໜ້າໜັງສືພິມຍັງມີລັກສະນະເຊື່ອມໂຍງ ແລະ ຈິດໃຈເປີດກວ້າງ, ເປັນມິດ. ໜ້າໜັງສຶພິມສ້າງພື້ນທີ່ສ່ວນໃຫຍ່ໃຫ້ແກ່ການສະທ້ອນເຖິງສາຍພົວພັນຂອງສອງປະເທດ ນັບຕັ້ງແຕ່ປະຫວັດສາດ ມາຮອດປະຈຸບັນ; ເປັນຕົ້ນແມ່ນ ການເມືອງ, ເສດຖະກິດມະຫາພາກ ໄປຈົນຮອດຊີວິດການເປັນຢູ່ປະຈຳວັນຂອງປະຊາຊົນຫວຽດນາມ... ພ້ອມກັນນັ້ນ ໜັງສຶພິມເທີ່ຍດ້າຍກໍ່ຍັງໄດ້ມີການໂຄສະນາ ແລະ ແນະນຳ ປະເທດລາວລ້ານຊ້າງ ເຖິງ ເພື່ອນຜູ້ອ່ານຫວຽດນາມ ນຳອີກ.

ຕ່າງໜ້າໜັງສຶພິມ ເທີ່ຍດ້າຍ ທ່ານ ຟານ ຮົ່ງເຊີນ ຫວັງເປັນຢ່າງຍິ່ງວ່າ ຄົນລາວອ້າຍນ້ອງຈະບໍ່ເປັນພຽງແຕ່ຜູ້ອ່ານທີ່ສຳຄັນທີ່ສຸດ ແຕ່ວ່າຍັງຈະເປັນຜູ້ທີ່ປະກອບສ່ວນດ້ານເນື້ອຂ່າວສານ, ຮູບແບບການຂຽນຂ່າວ, ອັກຄະລະ ກໍ່ຄືໄວຍະກອນຂອງເນື້ອໃນຂ່າວ ແລະ ຮ່ວມປະກອບສ່ວນແນວຄິດປະດິດສ້າງຜົນງານດ້ານການຂຽນຂ່າວ ຮ່ວມກັບ ໜັງສຶພິມເທີ່ຍດ້າຍ.

ທ່ານ ຟານ ຮົ່ງເຊີນ ເນັ້ນໜັກວ່າ: “ ຂ້າພະເຈົ້າຫວັງວ່າ ບັນດານ້ອງນັກຮຽນລາວ, ຜູ້ທີ່ມີຄວາມຕິດພັນອັນເລິກເຊິ່ງ ກັບປະເທດ ແລະ ຄົນຫວຽດນາມ, ຈະເປັນທູດຂອງສາຍພົວພັນ ຫວຽດ-ລາວປະກອບສ່ວນອັນເປັນຈິງ ເຂົ້າໃນວຽກງານ ເພີ່ມພູນຄູນສ້າງ ແລະ ເພີ່ມທະວີ ສາຍພົວພັນມິດຕະພາບອັນເກົ່າແກ່ຍາວນານ ແລະ ຮ່ວມມືຮອບດ້ານ ລະຫວ່າງ ປະຊາຊົນ ສອງປະເທດ ຫວຽດ-ລາວ”.

ທ່ານ ວຽງໄຊ ດາລາແສງ ອັກຄະທູດທີ່ປຶກສາ ທູດລາວປະຈຳຮ່າໂນ້ຍ

ກ່າວຄຳເຫັນໃນພິທີມອບຮັບຄັ້ງນີ້:  ທ່ານ ວຽງໄຊ ດາລາແສນ ຕີລາຄາສູງ ເຖິງຄວາມເອົາໃຈໃສ່ຂອງໜັງສືພິມ ເທີ່ຍດ້າຍ ທີ່ມອບໃຫ້ແກ່ ບັນດານ້ອງນັກຮຽນລາວ. ທ່ານກ່າວວ່າ ຂອງຂວັນທີ່ມີຄວາມໝາຍອັນລຳ້ຄ່ານີ້ ຈະປະກອບສ່ວນເຂົ້າໃນການ ສ້າງເສີມສຸຂະພາບ ແລະ ການເຄື່ອນໄຫວກິຈະກຳຂອງນ້ອງນັກຮຽນ ເຮັດໃຫ້ພວກນ້ອງມີການຮຽນດີຂື້ນ.

ພ້ອມກັນນັ້ນ ຂອງຂວັນດັ່ງກ່າວນີ້ຈະເປັນຂົວຕໍ່ຮັດແໜ້ນ ສາຍພົວພັນລະຫວ່າງ ຫໜັງສືພິມເທີ່ຍດ້າຍ ກັບ ສະຖານທູດລາວ ປະຈຳ ຫວຽດນາມ ແລະ ໜັງສຶພິມ ເທີ່ຍດ້າຍ ກັບ ບັນດານ້ອງນັກຮຽນລາວ ເວົ້າສະເພາະ ກໍ່ຄື ລະຫວ່າງ ສອງປະເທດ ຫວຽດນາມ-ລາວ ເວົ້າລວມ.

ພິທີມອບອຸບປະກອນກິລາ ໃຫ້ນ້ອງນັກຮຽນລາວ ຢູ່ ຮ່າໂນ້ຍ.

ທ່ານ ສອນໄຊ ຫຼວງອຸດົມ ຕ່າງໜ້າໃຫ້ບັນດານ້ອງນັກສຶກສາລາວ ໄດ້ສະແດງຄວາມຂອບໃຈ ໜັງສືພິມເທີ່ຍດ້າຍ , “ ຂອງຂັວນນີ້ແມ່ນສິ່ງທີ່ມີຄ່າສຳລັບພວກນ້ອງ ເພາະປະຈຸບັນ ຢູ່ສູນລວມນັກສຶກສາລາວຂອງພວກນ້ອງຍັງຂາດ ອຸບປະກອນກິລາ. ພວກນ້ອງຈະເກັບຮັກສາ ແລະ ນຳໃຊ້ຢ່າງມີຜົນປະໂຫຍດ, ເພື່ອເສີມສ້າງສຸຂະພາບ ພ້ອມນັ້ນກໍ່ເສີມສ້າງຈິດໃຈ ຮັກໃນການຮຽນເພີ່ມຂື້ນເລື້ອຍໆ”.

ແລກປ່ຽນ ກິລາປິງປ່ອງ ລະຫວ່າງ ໜັງສຶພິມເທີ່ຍດ້າຍ ກັບ ນ້ອງນັກສຶກສາລາວ ຢູ່ ສູນລວມນັກສຶກສາລາວ.

ພາຍຫຼັງການມອບຮັບຂອງຂັວນດັ່ງກ່າວ ພະນັກງານໜັງສຶພິມເທີ່ຍດ້າຍ ແລະ ບັນດານ້ອງນັກຮຽນກໍ່ ໄດ້ມີການແລກປ່ຽນ ຕີປິງປ່ອງ ຢູ່ ຫໍພັກສູນລວມນັກສຶກສາລາວ ຢູ່ ຮ່າໂນ້ຍ.

(​ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll