ສາລະ​ວັນ-ດົງ​ຖາບ ຕີ​ລາຄາການຮ່ວມມືຮອບດ້ານ

09:46 2019/07/12

ເມື່ອມໍ່ໆມານີ້, ທ່ານ ບົວທອງ ຄຸນຍອດປັນຍາ ຮອງເຈົ້າແຂວງສາລະວັນ ພ້ອມດ້ວຍຄະນະ ໄດ້ເຮັດວຽກຮ່ວມກັບ ທ່ານ ຟ້າມ ທ້ຽນ ເຫງຍ ຮອງປະທານຄະນະກຳມະການປະຊາຊົນແຂວງດົງຖາບ ສສ ຫວຽດນາມ ພ້ອມຄະນະ ເພື່ອຕີລາຄາຄືນຜົນສຳເລັດໃນການຮ່ວມມືໃນປີຜ່ານມາ ແລະ ສືບຕໍ່ຮັດແໜ້ນ ສາຍພົວພັນມິດຕະພາບ, ຄວາມສາມັກຄີພິ​ເສດ ​ແລະ ການ​ຮ່ວມ​ມື​ຮອບດ້ານ ໃຫ້ແໜ້ນແຟ້ນຍິ່ງໆຂຶ້ນ ​ໂດຍ​ໄດ້​ມີການລົງນາມ​ໃນບົດບັນທຶກການຮ່ວມມື ໄລຍະປີ 2019-2020.

ສາລະ​ວັນ-ດົງ​ຖາບ ຕີ​ລາຄາການຮ່ວມມືຮອບດ້ານ
ສາລະ​ວັນ-ດົງ​ຖາບ ຕີ​ລາຄາການຮ່ວມມືຮອບດ້ານ

ການພົບປະຄັ້ງນີ້, ທັງສອງຝ່າຍ ໄດ້ຕີລາຄາສູງຕໍ່ກັບການຮ່ວມມືຮອບດ້ານໃນໄລຍະຜ່ານມາ ລວມທັງຂໍ້ສະດວກ ແລະ ຂໍ້ຫຍຸ້ງຍາກ ບົນພື້ນຖານຄວາມຕ້ອງການແລກປ່ຽນບົດຮຽນ ແລະ ສ້າງເງື່ອນໄຂ, ສ້າງໂອກາດເຂົ້າເຖິງການພັດທະນາຂອງສອງແຂວງ ຮ່ວມກັນ ໂດຍສະເພາະໄດ້ມີການຖ່າຍທອດ ແລະ ຖອດຖອນບົດຮຽນໃນວຽກງານຂົງເຂດຕ່າງໆ ເປັນຕົ້ນ: ການຄ້າ, ການທ່ອງທ່ຽວ, ສຶກສາ ແລະ ສາທາລະນະສຸກ ແລະ ໄດ້ປຶກສາຫາລືແລກປ່ຽນທ່າແຮງບົ່ມຊ້ອນຂອງແຂວງຕົນ ເພື່ອສ້າງເງື່ອນໄຂ ໃຫ້ນັກທຸລະກິດ-ນັກລົງທຶນ ໄດ້ສຶກສາທ່າແຮງການຕະຫລາດ ແລະ ຄວາມເປັນໄປໄດ້ໃນການລົງທຶນໃນຂົງເຂດຕ່າງໆ.

ສ່ວນການຮ່ວມມື ໄລຍະປີ 2019-2020 ແມ່ນຈະໄດ້ສືບຕໍ່ຮ່ວມມືວຽກງານຜ່ານມາ ເປັນຕົ້ນ ແລກປ່ຽນບົດຮຽນ, ອົບຮົມເຕັກນິກການປູກເຂົ້າ, ການປູກດອກໄມ້ທີ່ຕະຫລາດຕ້ອງການ ແລະ ການຜະລິດ-ລ້ຽງປາ ດ້ວຍການໃຊ້ເຕັກນິກແບບໃໝ່, ສືບຕໍ່ຜັນຂະຫຍາຍກິດຈະກຳສັນຕິພາບ, ຄວາມມັກຄີມິດຕະພາບ ໃຫ້ແໜ້ນແຟ້ນຍິ່ງໆຂຶ້ນ ແລະ ອື່ນໆ.

(ແຫຼ່ງ​ຂໍ້​ມູນ​: ຂປລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll