ວິທະຍາໄລ ຊັ້້ນສູງເຊີນລາ: ເປີດຊຸດຝຶກອົບຮົມພາສາຫວຽດ ໃຫ້ພະນັກງານ ສະພາປະຊາຊົນ ບັນດາແຂວງພາກເໜືອ ຂອງ ສປປ ລາວ ປີ 2019

11:46 2019/08/23

ຍສໝ - ວັນທີ 22 ສິງຫາ, ວິທະຍາໄລ ຊັ້ນສູງເຊີນລາ ໄດ້ຈັດພິທີເປີດຊຸດຝຶກອົບຮົມ ພາສາຫວຽດໃຫ້ພະນັກງານສະພາປະຊາຊົນບັນດາແຂວງພາກ ເໜືອ ຂອງ ສປປ ລາວ ປີ 2019. ເຂົ້າຮ່ວມມີທ່ານ ເຍິມ ຖິ ເຟືອງ, ຮອງປະທານສະພາປະຊາຊົນແຂວງເຊີນລາ; ການນຳ ສະພາປະຊາຊົນ ແຂວງພາກເໜືອ ຂອງສປປ ລາວ ອີກຈຳນວນໜຶ່ງ; ຜູ້ຕາງໜ້າພະແນກການຂອງແຂວງເຊີນລາອີກຈຳນວນໜຶ່ງກໍ່ໃຫ້ກຽດເຂົ້າຮ່ວມ.

ວິທະຍາໄລ ຊັ້້ນສູງເຊີນລາ: ເປີດຊຸດຝຶກອົບຮົມພາສາຫວຽດ ໃຫ້ພະນັກງານ ສະພາປະຊາຊົນ ບັນດາແຂວງພາກເໜືອ ຂອງ ສປປ ລາວ ປີ 2019
 ພິທີເປີດຊຸດຝຶກອົບຮົມພາສາຫວຽດໃຫ້ພະນັກງານສະພາປະຊາຊົນບັນດາແຂວງພາກ ເໜືອ ຂອງສປປລາວໃນປີ 2019.(ພາບ:baosonla.org.vn)

ອີງຕາມແຜນການ, ໃນ 9 ເດືອນ (ແຕ່ ເດືອນສິງຫາ 2019 ເຖິງ ເດືອນເມສາ 2020), ພະນັກງານສະພາປະຊາຊົນ ຈຳນວນ 27 ຄົນ ຂອງ 9 ແຂວງພາກເໜືອ ຂອງສປປ ລາວ ຈະໄດ້ເຂົ້າຮຽນ ຄວາມຮູ້ພື້ນຖານ ກ່ຽວກັບທັກສະດ້ານພາສາຫວຽດ, ຝັງ, ເວົ້າ ແລະ ອ່ານ ແລະ ຂຽນ, ໃນໄລຍະເວລາ 900 ຊົ່ວໂມງ; ນອກນີ້ນັກຮຽນຍັງຈະໄດ້ເຂົ້າຮ່ວມ ຊອກຮູ້ ການເຄື່ອນໄຫວວິຊາສະເພາະ ທີ່ສອດຄ່ອງກັບຂົງເຂດວຽກງານ ຢູ່ ບັນດາອົງການ, ຫົວໜ່ວຍ ຂອງແຂວງເຊີນລາ. ເມື່ອສິ້ນສຸດຊຸດຝຶກອົບຮົມ, ພາຍຫຼັງປະຕິບັດໄດ້ຄາດໝາຍ ຂອງເນື້ອໃນການສອບເສັງທ້າຍສຸດຝຶກອົບຮົມ, ນັກຮຽນ ຈະໄດ້ຮັບໃບປະກາດສະນິຍະບັດສຳເລັດຊຸດຝືກອົບຮົມ ທຽບເທົ່າກັບຫຼັກສູດຮຽນພາສາຫວຽດ ດ້ວຍລະດັບຄວາມສາມາດ ດ້ານພາສາຫວຽດ 6 ລະດັບ ສຳລັບຄົນຕ່າງປະເທດ.

ກ່າວຄຳເຫັນ ໃນພິທີເປີດຊຸດຝຶກອົບຮົມຄັ້ງນີ້, ສະຫາຍ ເຍິມ ຖິ ເຟືອງ ໄດ້ຮຽກຮ້ອງມາຍັງ ວິທະຍາໄລຊັ້ນສູງເຊີນລາ ຕ້ອງໄດ້ນຳໃຊ້ວິທີການສິດສອນທີ່ເໝາະສົມ, ດ້ວຍການນຳໃຊ້ເຕັກໂນໂລຢີຂໍ້ມູນຂ່າວສານຢ່າງຕັ້ງໜ້າເຂົ້າ ໃນຂະບວນການສິດສອນ; ສະໜອງບັນດາເອກະສານທີ່ກ່ຽວຂ້ອງ, ຂໍ້ມູນຂ່າວສານກ່ຽວກັບການພັດທະນາເສດຖະກິດ - ສັງຄົມຂອງແຂວງເຊີນລາ, ປະກອບສ່ວນຍົກສູງຄຸນນະພາບ ແລະ ປະສິດທິຜົນຂອງການຮຽນ; ເບິ່ງແຍງຊີວິດການເປັນຢູ່ ທາງດ້ານວັດຖຸ ແລະ ຈິດໃຈໃຫ້ແກ່ນັກຮຽນ, ສ້າງເງື່ອນໄຂສະດວກໃຫ້ນັກຮຽນມີສະພາບແວດລ້ອມການຮ່ຳຮຽນ ແລະການດຳລົງຊີວິດທີ່ດີທີ່ສຸດ…

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll