ປກສ, ປກຊ ລາວ-ຫວຽດນາມ ພົບປະແລກປ່ຽນວຽກງານຊາຍແດນປະຈຳປີ 2019

15:54 2019/07/08

ໃນທ້າຍອາທິດທີ່ຜ່ານມາ, ຢູ່ທີ່ຫ້ອງປະຊຸມ ກອງບັນຊາການທະຫານແຂວງສະຫວັນນະເຂດ, ໄດ້ຈັດກອງປະຊຸມພົບປະແລກປ່ຽນ ລະຫວ່າງ ປກສ, ປກຊ ລາວ ແລະ ຫວຽດນາມ ກ່ຽວກັບ ການປະສານສົມທົບຄຸ້ມຄອງປ້ອງກັນຊາຍແດນ ແລະ ເອກະພາບເນື້ອໃນງານພົບປະມິດຕະພາບຊາຍແດນ ລາວ-ຫວຽດນາມ ປະຈໍາປີ 2019.

ປກສ, ປກຊ ລາວ-ຫວຽດນາມ ພົບປະແລກປ່ຽນວຽກງານຊາຍແດນປະຈຳປີ 2019
ກອງປະຊຸມພົບປະແລກປ່ຽນສະພາບ, ຕີລາຄາໝາກຜົນຂອງການຈັດຕັ້ງປະຕິບັດວຽກງານ, ຄຸ້ມຄອງປ້ອງກັນຊາຍແດນ ແລະ ເອກະພາບເນື້ອໃນງານພົບປະມິດຕະພາບຊາຍແດນ ລາວ-ຫວຽດນາມ ປະຈໍາປີ 2019.

ອາທິດແລ້ວ, ຄະນະຜູ້ແທນກອງບັນຊາການທະຫານຊາຍແດນແຂວງກວາງຈິ ແຫ່ງ ສສ ຫວຽດນາມ ນຳໂດຍ ສະຫາຍ ພັນເອກ ເລ ວັນ ເຟືອງ ຫົວໜ້າການທະຫານກອງບັນຊາການ ທະຫານຊາຍແດນແຂວງກວ້າງຈິ ສສ ຫວຽດນາມ ພ້ອມດ້ວຍຄະນະໄດ້ເດີນທາງມາແລກປ່ຽນສະພາບ, ຕີລາຄາໝາກຜົນຂອງການຈັດຕັ້ງປະຕິບັດວຽກງານ, ການປະສານສົມທົບຄຸ້ມຄອງປ້ອງກັນຊາຍແດນ ແລະ ເອກະພາບເນື້ອໃນງານພົບປະມິດຕະພາບຊາຍແດນ ລາວ-ຫວຽດນາມ ປະຈໍາປີ 2019, ທີ່ແຂວງກວ້າງຈິ ກັບ ແຂວງສະຫວັນນະເຂດ ສປປ ລາວ. 

ໃຫ້ການຕ້ອນຮັບຄະນະຄັ້ງນີ້, ມີທ່ານ ພົນ ຈັດຕະວາ ຈະເລີນ ວົງວິໄຊ ເລຂາຄະນະພັກ ຫົວໜ້າການເມືອງ ກອງບັນຊາການທະຫານແຂວງສະຫວັນະເຂດ, ທ່ານ ພັນເອກ ລຳຄູນ ວໍລະວົງ ຮອງຫົວໜ້າກອງບັນຊາການ ປກສ ແຂວງສະຫວັນນະເຂດ, ພ້ອມດ້ວຍຄະນະເຂົ້າຮ່ວມຢ່າງພ້ອມພຽງ. ກອງປະຊຸມພົບປະດັ່ງກ່າວນີ້ໄດ້ຈັດຂື້ນ ຢູ່ທີ່ຫ້ອງປະຊຸມ ກອງບັນຊາການທະຫານ ແຂວງສະຫວັນນະເຂດ.

ໃນກອງປະຊຸມພົບປະຄັ້ງນີ້, ກໍ່ໄດ້ຍົກເອົາເນື້ອໃນການຈັດຕັ້ງປະຕິບັດວຽກງານ ແລະ ພົບປະມິດຕະພາບຊາຍແດນ ລາວ-ຫວຽດນາມ ປະຈຳປີ 2019 ທີ່ຈະໄດ້ຈັດຂຶ້ນຢູ່ແຂວງກວ້າງຈິ ສສ ຫວຽດນາມ, ເຊິ່ງຈະໄດ້ມີການພົບປະສົນທະນາ, ໂອ້ລົມ ແລກປ່ຽນ ກ່ຽວກັບວຽກງານປະສານສົມທົບຄຸ້ມຄອງ, ປ້ອງກັນຊາຍແດນ, ກວດຄົນເຂົ້າ-ອອກເມືອງ, ຕ້ານ ແລະ ສະກັດກັ້ນອາດຊະຍາກຳ, ຮ່ວມພັດທະນາເສດຖະກິດ-ສັງຄົມ ຢູ່ ເຂດຊາຍແດນ, ພິທີເຄົາລົບຫຼັກໝາຍ ແລະ ຈັດຕັ້ງກວດກາລາດຕະເວນຊາຍແດນຮ່ວມກັນ, ປູກຕົ້ນໄມ້ມິດຕະພາບ, ສະຫຼຸບວຽກງານແຮກສ່ຽວ ລະຫວ່າງບ້ານສອງເບື້ອງຊາຍແດນຄົບຮອບ 15 ປີ, ມີລາຍການສະແດງສີລະປະວັນນະຄະດີຂອງສອງກອງບັນຊາການທະຫານແຂວງ.

ສຸດທ້າຍຂອງກອງປະຊຸມພົບປະ ທັງສາມອົງການໄດ້ເຫັນດີເປັນເອກະພາບ ໃນການເອົາໃຈໃສ່ຈັດຕັ້ງປະຕິບັດບັນດາພາລະກິດທີ່ວາງອອກໃຫ້ປະສົບຜົນສຳເລັດ ແລະ ມີປະສິດທິຜົນສູງສຸດ, ປະກອບສ່ວນສ້າງຄວາມເປັນລະບຽບຮຽບຮ້ອຍ ແລະ ຄວາມສະຫງົບສຸກ ຢູ່ເຂດຊາຍແດນສອງປະເທດໃຫ້ນັບມື້ນັບມີຄວາມໝັ້ນຄົງ ແລະ ພັດທະນາຮ່ວມກັນ, ສ້າງເສັ້ນຊາຍແດນ ແຫ່ງສັນຕິພາບ, ເຮັດປະຊາຊົນ ຢູ່ ສອງຟາກຊາຍແດນ ລາວ-ຫວຽດນາມ ມີຊີວິດການເປັນຢູ່ທີ່ດີຂື້ນ, ມີຄວາມເຊື່ອໜັ້ນໃນການທຳມາຫາກິດ, ດຳລົງຊີວິດດ້ວຍຄວາມຜາສຸກຕະຫຼອດໄປ.

(ແຫຼ່ງ​ຂໍ້​ມູນ​: ສະຫວັນພັດທະນາ ຂ່າວ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll