ບັນດາການເຄື່ອນໄຫວເຊື່ອມຕໍ່ການສຶກສາກັບປະເທດເພື່ອນມິດລາວ

21:59 2019/08/31

ຍສໝ - ໃນວັນທີ 30 ສິງຫາ 2019, ທ່ານນາງ ເລທິ້ເຮືອງ, ຫົວໜ້າພະແນກສຶກສາ ແລະ ກໍ່ສ້າງແຂວງກວ໋າງຈິ້ ໄດ້ໃຫ້ຮູ້ວ່າ ກົມກອງໄດ້ຈັດສົ່ງຄູສອນໜຸ່ມ 10 ຄົນໄປແຂວງສະຫວັນນະເຂດ, ປະເທດລາວເພື່ອປະຕິບັດໜ້າທີ່ສິດສອນພາສາຫວຽດ ແລະ ດົນຕີໃຫ້ນັກຮຽນ ແມ່ນຊາວຫວຽດນາມ ອາໄສຢູ່ ລາວ ແລະ ນັກຮຽນຄົນລາວ.

ບັນດາການເຄື່ອນໄຫວເຊື່ອມຕໍ່ການສຶກສາກັບປະເທດເພື່ອນມິດລາວ
ພາບປະກອບ

ນີ້ແມ່ນການເຄື່ອນໄຫວຮ່ວມມືປະຈໍາປີລະຫວ່າງສອງແຂວງກວ໋າງຈິ້ ສສ ຫວຽດນາມ ແລະ ແຂວງສະຫວັນນະເຂດ ສປປ ລາວ ໃນຕະຫຼອດໄລຍະ 20 ປີຜ່ານມາ. ເນື່ອງໃນໂອກາດນີ້, ຄະນະປະຕິບັດງານຂອງພະແນກສຶກສາ ແລະ ກໍ່ສ້າງແຂວງກວ໋າງຈິ້ ຍັງໄດ້ໄປຢ້ຽມຢາມ ແລະ ມອບຂອງຂວັນໃຫ້ໂຮງຮຽນມັດທະຍົມຕອນປາຍມິດຕະພາບລາວ-ຫວຽດນາມ ຢູ່ ນະຄອນໄກສອນ ພົມວິຫານ. ໂຮງຮຽນຫຼັງນີ້ໂດຍລັດຖະບານຫວຽດນາມ ເປັນຜູ້ອຸປະຖໍາດ້ວຍມູນຄ່າ 2 ລ້ານໂດລາສະຫະລັດ, ທຶນສົມທົບຂອງຝ່າຍລາວ ແມ່ນ 300 ພັນໂດລາສະຫະລັດ. ຄະນະປະຕິບັດງານໄດ້ມີການເຮັດວຽກກັບພະແນກສຶກສາ ແລະ ກິລາແຂວງສະຫວັນນະເຂດ ສປປ ລາວ, ສອງຝ່າຍໄດ້ປຶກສາຫາລື ແລະເຫັນດີເປັນເອກະພາບຜັນຂະຫຍາຍບາງການເຄື່ອນໄຫວຮ່ວມມືກ່ຽວກັບການສຶກສາ-ກໍ່ສ້າງ ໃນໄລຍະຈະມາເຖິງ.

ໄຊພອນ
;

同类别新闻