ນະຄອນໂຮ່ຈີມິນ ແລະ ນະຄອນຫຼວງວຽງຈັນ ເພີ່ມທະວີການຮ່ວມມື

09:52 2019/07/29

ຍສໝ - ຄະນະຜູ້ແທນສະພາປະຊາຊົນ ນະຄອນໂຮ່ຈີມິນ ໂດຍທ່ານນາງ ຫງວຽນທິເລະ ຮອງເລຂາ ຄະນະພັກນະຄອນ, ປະທານສະພາປະຊາຊົນນະຄອນ ໂຮ່ຈີມິນ ໄດ້ເປັນຫົວໜ້າຄະນະພວມມີການຢ້ຽມຢາມ ແລະ ເຮັດວຽກຢູ່ ລາວ ໃນລະຫວ່າງວັນທີ 24 - 28 ກໍລະກົດ 2019.

ລະຫວ່າງວັນທີ 24 – 25 ກໍລະກົດ 2019, ທ່ານນາງ ປານີ ຢາທໍ່ຕູ້ ກຳມະການກົມການເມືອງ, ປະທານສະພາແຫ່ງຊາດ ລາວ ແລະ ທ່ານ ສິນລະວົງ ຄຸດໄພທູນ ກຳມະການກົມການເມືອງ, ເຈົ້າຄອງ ນະຄອນຫຼວງວຽງຈັນ ໄດ້ໃຫ້ການຕ້ອນຮັບຄະນະຜູ້ແທນຢ່າງສະໜິດສະໜົມ. ເຂົ້າຮ່ວມບັນດາການຕ້ອນຮັບມີຜູ້ຕາງໜ້າສະຖານທູດ ຫວຽດນາມ ປະຈຳ ລາວ.

ທ່ານນາງ ຫງວຽນທິເລະ ປະທານສະພາປະຊາຊົນນະຄອນ ໂຮ່ຈີມິນ ແລະ ທ່ານ ສິນລະວົງ ຄຸດໄພທູນ ເຈົ້າຄອງ ນະຄອນຫຼວງວຽງຈັນ. (ພາບ: TTXVN)

ກ່າວຄຳປາໄສທີ່ການຕ້ອນຮັບ, ທ່ານນາງ ຫງວຽນທິເລະ ໄດ້ຢັ້ງຢືນວ່າ ນະຄອນໂຮ່ຈີມິນ ຍາມໃດກໍ່ຖືເປັນສຳຄັນການພົວພັນມິດຕະພາບອັນຍິງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ສອງປະເທດ ຫວຽດນາມ - ລາວເວົ້າລວມ, ກໍ່ຄືການພົວພັນແຮກສ່ຽວລະຫວ່າງນະຄອນໂຮ່ຈີມິນ ກັບ ນະຄອນຫຼວງ ວຽງຈັນເວົ້າສະເພາະ.

ບັນດາການນຳໄດ້ສະເໜີໃຫ້ສະພາປະຊາຊົນນະຄອນໂຮ່ຈີມິນສືບຕໍ່ໜູນຊ່ວຍ, ຮ່ວມມືຢ່າງແໜ້ນແຟ້ນກັບສະພາປະຊາຊົນນະຄອນຫຼວງວຽງຈັນກໍ່ຄືສະພາປະຊາຊົນບັນດາທ້ອງຖິ່ນຂອງລາວ, ສົມທົບກັນຈັດຕັ້ງກອງປະຊຸມສຳມະນາ, ແລກປ່ຽນບົດຮຽນຕາມຫົວຂໍ້ສະເພາະຢ່າງລະອຽດ, ພິເສດແມ່ນໃນຂົງເຂດຄຸ້ມຄອງ, ປະຕິບັດນະໂຍບາຍຄຸ້ມຄອງທີ່ດິນ ແລະ ອະສັງຫາລິມະຊັບ, ສ້າງແຫຼ່ງລາຍຮັບໃຫ້ແກ່ງົບປະມານແຫ່ງລັດ.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll