ທະນາຄານ Vietinbank ເລີ່ມເປີດສຳນັກງານໃຫຍ່ ຢູ່ລາວ

15:48 2019/09/18

ຍສໝ - ສຳນັກງານໃຫຍ່ຂອງ Vietinbank ຕັ້ງຢູ່ຖະໜົນລ້ານສ້າງ, ສູນກາງນະຄອນຫຼວງວຽງຈັນ, ໄດ້ອອກແບບຢ່າງທັນສະໄໝ ແລະ ຕອບສະໜອງໄດ້ມາດຕະຖານສາກົນ.

ໃນຕອນແລງວັນທີ 17 ເດືອນກັນຍາ, ທີ່ນະຄອນຫຼວງວຽງຈັນ, ສປປ ລາວ, ທະນາຄານ ການຄ້າຫຸ້ນສ່ວນ ອຸດສາຫະກຳ ແລະ ການຄ້າ ຫວຽດນາມ (Vietinbank) ໄດ້ຈັດພິທີການເລີ່ມເປີດ ສຳນັກງານໃຫຍ່ Vietinbank ຢູ່ລາວ. ຮອງນາຍົກລັດຖະມົນຕີ ເຊິ່ງເປັນລັດຖະມົນຕີກະຊວງການເງິນລາວ  ທ່ານ ສົມດີ ດວງດີ; ລັດຖະມົນຕີ ກະຊວງອຸດສາຫະກຳ ແລະ ການຄ້າລາວ ທ່ານ ຄຳມະນີ ພົນເສນາ, ຜູ້ວ່າການທະນາຄານສູນກາງລາວ ທ່ານ ສົນໄຊ ສິດປະໄຊ, ຜູ້ວ່າການທະນາຄານແຫ່ງລັດຫວຽດນາມ ທ່ານ ເລມີນຮືງ, ເອກອັກຄະລັດຖະທູດປະຈຳລາວ ທ່ານ ຫງວຽນບ໋າຮຸງ ແລະ ຕົວແທນຫຼາຍຂະແໜງການ, ວິສາຫະກຳ ຂອລສອງປະເທດຫວຽດນາມ-ລາວ ໄດ້ເຂົ້າຮ່ວມພິທີ.

 

ບັນດາຜູ້ແທນ ຕັດແຖບຜ້າສະຫຼອງສຳນັກງານໃຫ່ຍຂອງ Vietinbank ລາວ. (ພາບ: vov.vn)

ສຳນັກງານໃຫຍ່ Vietinbank ຕັ້ງຢູ່ຖະໜົນລ້ານສ້າງ, ສູນກາງນະຄອນຫຼວງວຽງຈັນ, ໄດ້ອອກແບບຢ່າງທັນສະໄໝ ແລະ ຕອບສະໜອງໄດ້ມາດຕະຖານສາກົນ, ມີເນື້ອທີ່ກວ່າ 3.600ແມັດກາເລ , ມີ 7 ຊັ້ນ ແລະ 2 ຊັ້ນໃຕ້ດິນ, ລວມໜ້າທີ່ພື້ນເຮືອນ ກວ່າ 18.520ແມັດກາເລ, ສຳເລັດຫຼັງຈາກຫ້າປີສ້າງສາ. ການນຳໃຊ້ສຳນັກງານຈະຕອບສະໜອງຄວາມຕ້ອງການ ກ່ຽວກັບບໍລິການການເງິນຂອງລູກຄ້າຢ່າງຄົບຖ້ວນ, ຍົກສູງຄຸນນະພາບການຮັບໃຊ້, ເຄື່ອງໝາຍການຄ້າ ແລະ ອິດທິພົນຂອງVietinbank ລາວ.

ໄດ້ເຂົ້າການເຄື່ອນໄຫວແຕ່ເດື່ອນກຸມພາ ປີ 2012, ຫຼັງຈາກກວ່າເຈັດປີເຄື່ອນໄຫວ, ທະນາຄານVietinbank ລາວ ໄດ້ພັດທະນາຢ່າງວອງໄວ ແລະ ຂະຫຍາຍລະບົບການຮັບໃຊ້ລູກຄ້າ. ບັນດາຕົວເລັກສະແດງການເງິນລ້ວນຂະຫຍາຍຕົວຢ່າງດີ, ເຄື່ອນໄຫວຖຸລະກິດຢ່າງປອດໄພແລະມີປະສິດທິຜົນ.

ປີ2018, ລວມຊັບສິນຂອງVietinbankລາວໄດ້ກວ່າ 358 ລ້ານໂດລາ, ລວມເຫຼືອໜີ້ຂັ້ນສິນເຊື່ອໄດ້ກວ່າ249ລ້ານໂດລາ ແລະລະດົມທຶນແຕ່ປະຊາກອນ, ກຳນົດລະບອບທີ່ມີລັກສະນະນິຕິກຳ ການເງີນໄດ້ກວ່າ 279 ລ້ານໂດລາ.

ຕາງໜ້າ ລັດຖະບານລາວ, ທ່ານຮອງນາຍົກລັດຖະມົນຕີ ສົມດີ ດວງດີ ໄດ້ຕີລາຄາສູງການເຄື່ອນໄຫວຂອງ VietinBank Laos ໃນໄລຍະທີ່ຜ່ານມາ; ທ່ານກ່າວວ່າ ສຳນັກງານໃຫຍ່ຂອງ VietinBank Laos ແມ່ນຕຶກອາຄານການເງິນທີ່ທັນສະໄໝ, ໄດ້ບັນລຸມາດຕະຖານສາກົນ, ປະກອບສ່ວນຍົກສູງຄຸນຄ່າຂອງເຄື່ອງໝາຍການຄ້າ ແລະ ປະຕິບັດຕາມຄຳໝັ້ນສັນຍາຂອງ VietinBank ແມ່ນ “ລົງທືນໃນໄລຍະຍາວ ແລະ ຍືນຍົງໃນສປປລາວ”. ທ່ານຮອງນາຍົກລັດຖະມົນຕີ ສົມດີ ດວງດີ ເນັ້ນໜັກວ່າ ລັດຖະບານລາວ ແລະ ບັນດາກະຊວງ, ບັນດາຂະແໜງການຈະສືບຕໍ່ສະໜັບສະໜູນ, ສ້າງເງື່ອນໄຂເພື່ອໃຫ້ເຄື່ອນໄຫວທຸລະກິດຂອງ VietinBank ລາວ ໄດ້ ນັບມື້ນັບເຕີບໃຫຍ່ ແລະ ບັນລຸໄດ້ໝາກ ຜົນດີຂື້ນ.

ພິເສດ, Vietinbank ລາວໄດ້ສ້າງສາ ໂດຍພື້ນລູກຄ້າທີ່ມີຄວາມສາມາດບົ່ມຊ້ອນປະກອບສ່ວນບັນດາບໍລິສັດຄື ຢາງພາລາ, ໂທລະຄົມມະນາຄົມ, ຂຸດຄົ້ນແຮ່ຈ່ານ, ເຫຼັກ ແລະ ເຫຼັກກ້າ, ນໍ້າມັນເຊື້ອໄຟ ຂອງຫວຽດນາມ. ນອກຈາກ ວຽງຈັນ ແລະ ຈຳປາສັກ, Vietinbank ກຳລັງຊຸກຍູ້ຂະຫຍາຍເຄືອຂ່າຍເຖິງບັນດາເຂດເສດຖະກິດທີ່ຈຸດສຸມຕ່າງໆຄື ສະຫວັນນະເຂດ, ຫຼວງພະບາງ, ບໍລິຄຳໄຊ.

 

Vietinbank - ລາວ ມອບໃຫ້ປະຊາຊົນຖືກໄພນໍ້າຖ້ວມຢູ່ພາກໃຕ້ລາວຈຳນວນເງິນ100.000 ໂດລາ.  (ພາບ: vov.vn)

ເນື່ອງໃນໂອກາດເລີ່ມເປີດສຳນັກງານໃຫ່ຍ, Vietinbank ລາວໄດ້ມອບໃຫ້ປະຊາຊົນຖືກໄພນໍ້າຖ້ວມຢູ່ພາກໃຕ້ລາວຈຳນວນເງິນ100.000 ໂດລາເພື່ອແກ້ໄຂຜົນຮ້າຍຈາກໄພທຳມະຊາດ.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll