ຖາຍງວຽນ ຈະຊ່ວຍເຫຼືອ ຫລວງພະບາງ 7 ຕື້ດົ່ງ ເພື່ອກໍ່ສ້າງໂຄງການມິດຕະພາບກ່ຽວກັບການສຶກສາ

17:51 2019/07/09

ຍສໝ - ໃນຂົງເຂດບັນດາໂຄງການ ການຮ່ວມມື, ວັນທີ 9 ກໍລະກົດ, ຄະນະການນຳຂອງແຂວງ ຫຼວງພະບາງນຳໂດຍທ່ານ ຄຳຂັນ ທະວີສຸກ, ຄະນະກຳມະທິການສູນກາງພັກປະຊາຊົນປະຕິວັດລາວ, ເລຂາພັກແຂວງ, ເຈົ້າແຂວງໆຫລວງພະບາງເປັນຫົວຫນ້າຄະນະໄດ້ຢ້ຽມຢາມ ແລະ ເຮັດວຽກກັບບັນດາການນຳຂອງແຂວງ ຖາຍງວຽນ.

ຖາຍງວຽນ ຈະຊ່ວຍເຫຼືອ ຫລວງພະບາງ 7 ຕື້ດົ່ງ ເພື່ອກໍ່ສ້າງໂຄງການມິດຕະພາບກ່ຽວກັບການສຶກສາ
ມອບຫລຽນກາອິດສະຫລະ ຊັ້ນ III ໃຫ້ ສະຫາຍ ເຈິ່ນ ກວັກ ຕໍ

ຕາມການລາຍງານຂອງການເຮັດວຽກ, ສາຍພົວພັນຂອງສອງແຂວງ ຖາຍງວຽນ ແລະ ຫລວງພະບາງ ໄດ້ມີການກໍ່ສ້າງສາຍພົວພັນມາໄດ້ເປັນເວລາ 9 ປີ (2010-2019), ເຊິ່ງສອງແຂວງໄດ້ມີການຢ້ຽມຢາມ ແລະ ເຮັດວຽກຮ່ວມກັນທັງຫມົດ 7 ຄັ້ງ, ແລະ ໄດ້ມີການຈົດບົດບັນທຶກຮ່ວມກັນ 2 ຄັ້ງ. ແຂວງ ຖາຍງວຽນ ໄດ້ຊ່ວຍ ແຂວງ ຫລວງພະບາງ ກໍ່ສ້າງນັກຮຽນ 229 ຄົນ, ລວມມູນຄ່າຫລາຍກ່ວາ 43 ຕື້ດົ່ງ. ປາໄສໃນງານພົບປະ, ການນຳແຂວງຖາຍງວຽນ ໄດ້ໃຫ້ຮູ້ເຖິງຂໍ້ມູນກ່ຽວກັບສະພາບການການພັດທະນາທາງດ້ານເສດຖະກິດ-ສັງຄົມ, ວຽກງານການກໍ່ສ້າງພັກ, ວຽກງານກໍ່ສ້າງລະບົບການເມືອງ. 

ພິເສດແມ່ນບັນດາທ່າແຮງ, ຈຸດພິເສດຂອງແຂວງທີ່ທັງສອງຝ່າຍສາມາດຮ່ວມມື. ພ້ອມດຽວກັນນັ້ນທາງແຂວງກໍໄດ້ຕົກລົງເຫັນດີສືບຕໍ່ຊ່ວຍເຫລືອໃນການກໍ່ສ້າງນັກສຶກສາລາວ ແລະ ເລັ່ງໃຫ້ສຳເລັດບັນດາເອກະສານທີ່ຈະສະຫນັບສະຫນູນ 7 ຕື້ດົ່ງ ເຂົ້າໃນການກໍ່ສ້າງໂຄງການມິດຕະພາບກ່ຽວກັບການສຶກສາໃນຈຳນວນ 10 ຫ້ອງຮຽນ. ຕາມແຜນການຈະໄດ້ເລີ່ມຕົ້ນຊ້າສຸດແມ່ນຕົ້ນເດືອນ ສິງຫາ ທີ່ໄກ້ຈະມາຮອດນີ້ແມ່ນຈະໄດ້ມອບໃຫ້ແກ່ແຂວງຫລວງພະບາງ. ນີ້ແມ່ນວຽກງານທີ່ຈະເຮັດຢ່າງແທ້ຈິງເພື່ອແນໃສ່ຮັກສາເພີ່ມທະວີ ແລະ ເສີມຂະຫຍາຍສາຍພົວພັນມິດຕະພາບອັນດີງາມຂອງປະຊາຊົນສອງຊາດ ຫວຽດນາມ-ລາວ ກໍຄືສາຍພົວພັນລະຫວ່າງສອງແຂວງ ຖາຍງວຽນ-ຫລວງພະບາງ. 

ທ່ານ ຄຳຂັນ ທະວີສຸກ, ຄະນະກຳມະທິການສູນກາງພັກປະຊາຊົນປະຕິວັດລາວ, ເລຂາພັກແຂວງ, ເຈົ້າແຂວງໆຫລວງພະບາງ ມີຄວາມຄາດຫວັງວ່າໃນເວລາຕໍ່ຫນ້າ, ອີງໃສ່ບັນດາທ່າແຮງ, ຈຸດພິເສດຂອງແຂວງ, ແລະ ເນື້ອໃນຈິດໃຈທີ່ໄດ້ເຊັນສັນຍາຮ່ວມກັນ, 2 ແຂວງຈະສ້າງເງື່ອນໄຂຂໍ້ສະດວກໃຫ້ບັນດາເມືອງ, ບ້ານ ຮ່ວມມືພັດທະນາ.

ມອບຫລຽນກາມິດຕະພາບໃຫ້ 6 ພາກສ່ວນຄະນະ

ໂດຍໄດ້ຮັບການອະນຸຍາດຂອງທ່ານນາຍົກລັດທະມົນຕີແຫ່ງສາທະລະນະລັດ ປະຊາທິປະໄຕ ປະຊາຊົນ ລາວ, ທ່ານ ຄຳຂັນ ທະວີສຸກ ໄດ້ມອບ ຫລຽນກາອິດສະຫລະ ຊັ້ນ II ແກ່ທ່ານ ເຈີ່ນ ກວັກ ຕໍ, ຄະນະກຳມະທິການສູນກາງພັກ, ເລຂາພັກແຂວງ, ຫົວໜ້າຄະນະ ຜູ້ແທນສະພາແຫ່ງຊາດແຂວງ; ມອບຫຼຽນກາອິດສະຫລະ ຊັ້ນ III ໃຫ້ທ່ານ ຫຍື ວັນ ເຕິມ, ຄະນະກຳມະທິການ ຄະນະປະຈໍາພັກແຂວງ, ຮອງປະທານຜູ້ປະຈໍາການຄະນະກຳມະການປະຊາຊົນແຂວງ; ມອບຫລຽນກາມິດຕະພາບ ໃຫ້ 6 ພາກສ່ວນຄະນະ ແລະ 11 ບຸກຄົນ ທີ່ມີຜົນງານ, ປະກອບສ່ວນກໍ່ສ້າງບຸກຄະລາກອນໃຫ້ແກ່ ສາທາລະນະລັດ ປະຊາທິປະໄຕ ປະຊາຊົນລາວ, ປະກອບສ່ວນສຳຄັນໃນວຽກງານ ເສີມຂະຫຍາຍ ສາຍພົວພັນມິດຕະພາບ, ສາຍພົວພັນແບບພິເສດ ແລະ ການຮ່ວມມືຮອບດ້ານລະຫວ່າງສອງພັກສອງລັດ ແລະ ປະຊາຊົນສອງຊາດ ລາວ-ຫວຽດນາມ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll