ຊາວໜຸ່ມອາສາສະໝັກ ຮັດແໜ້ນການພົວພັນທີ່ເປັນມູນເຊື້ອຫວຽດນາມ-ລາວ

16:51 2019/08/31

ຍສໝ - ການເຄື່ອນໄຫວອາສາສະໝັກຄັ້ງຕ່າງໆຢູ່ປະເທດລາວ ຂອງໄວໜຸ່ມແຂວງຮ່າຕິງ ສສ ຫວຽດນາມ ພວມປະກອບສ່ວນຮັດແໜ້ນສາຍພົວພັນທີ່ເປັນມູນເຊື້ອ, ມິດຕະພາບແບບພິເສດລະຫວ່າງສອງປະເທດອ້າຍນ້ອງ ຫວຽດນາມ ແລະ ລາວ.

ຊາວໜຸ່ມອາສາສະໝັກ ຮັດແໜ້ນການພົວພັນທີ່ເປັນມູນເຊື້ອຫວຽດນາມ-ລາວ
ຄະນະຊາວໜຸ່ມແຂວງຮ່າຕິງ  ແລະບໍລິຄໍາໄຊ ຖ່າຍຮູບເປັນທີ່ລະນຶກຢູ່ເຂດອະນຸສອນສະຖານ ສະຫາຍ ສີສົມພອນ ລໍວັນໄຊ (ແຂວງບໍລິຄໍາໄຊ).                                (ພາບ: baohatinh.vn)

ນັບແຕ່ປີ 2013 ມາຮອດປະຈຸບັນ,  ຄະນະຊາວໜຸ່ມແຂວງຮ່າຕິງໄດ້ສົມທົບກັບສະມາຄົມແພດໝໍໜຸ່ມ, ສະມາຄົມນັກທຸລະກິດໜຸ່ມຈັດຕັ້ງການກວດພະຍາດ ແລະແຈກຢາຍຢຸກຢາໂດຍບໍ່ເສຍຄ່າ, ມອບຂອງຂວັນໃຫ້ແກ່ປະຊາຊົນຢູ່ແຂວງບໍລິຄໍາໄຊ ແລະຄໍາມ່ວນເກືອບ 18.500 ຄົນ. ຄຽງຂ້າງນັ້ນຍັງມອບຮູບແບບເບ້ຍໄມ້ 400 ຕົ້ນໃຫ້ແກ່ຊາວໜຸ່ມແຂວງບໍລິຄໍາໄຊ, ຈັດສົ່ງນັກອາສາສະໝັກແຂວງຮ່າຕິງ 6 ຄົນເຂົ້າຮ່ວມການສອນພາສາຫວຽດໂດຍບໍ່ເສຍຄ່າຢູ່ເມືອງຄໍາເກີດ, ແຂວງບໍລິຄໍາໄຊ ສປປ ລາວ.

ພ້ອມກັບຄະນະອາສາສະໝັກສາກົນທີ່ເຄື່ອນໄຫວເປັນປະຈໍາແລ້ວ, ຄະນະຊາວໜຸ່ມບັນດາເມືອງຕິດກັບຊາຍແດນ, ບັນດາຫົວໜ່ວຍສັງກັດຄະນະຊາວໜຸ່ມແຂວງທີ່ມີຮາກຖານຜະລິດຕັ້ງຢູ່ ສປປ.ລາວ ກໍ່ຈັດການເຄື່ອນໄຫວພົບປະແລກປ່ຽນ, ແຮກສ່ຽວ, ແລກປ່ຽນບົດຮຽນໃນວຽກງານສາມັກຄີ, ເຕົ້າໂຮມຊາວໜຸ່ມ ແລະອະນຸຊົນລະຫວ່າງສອງປະເທດເປັນປະຈໍາ; ຈັດຕັ້ງການຝຶກອົບຮົມບັນດາເຕັກນິກປູກ, ບົວລະບັດຕົ້ນຢາງພາລາໃຫ້ແກ່ປະຊາຊົນລາວ. ສົມທົບກັນກໍ່ສ້າງ “ໂນນຕົ້ນໄມ້ຊາວໜຸ່ມ” ປູກຕົ້ນເກດສະໜາຢູ່ເມືອງຄໍາເກີດດ້ວຍເນື້ອທີ່ 5 ເຮັກຕາ, ໝູ່ບ້ານຊາວໜຸ່ມມິດຕະພາບຫວຽດນາມ-ລາວ ແລະ ອື່ນໆ.

ຄະນະອາສາສະໝັກແຂວງຮ່າຕິງ ເຄື່ອນໄຫວຢູ່ບ້ານໂພນສະອາດ, ເມືອງມະຫາໄຊ, ແຂວງຄໍາມ່ວນ. (ພາບ: baohatinh.vn) 

ເອື້ອຍ ເທບພະຈັນ ສຸວັນນະລາດ, ອາຍຸ 31 ປີ, ໄດ້ແບ່ງປັນວ່າ: ພາຍຫຼັງທ່ານໝໍກວດພະຍາດ, ຂ້າພະເຈົ້າຈຶ່ງຮູ້ໄດ້ວ່າລູກສາວຫຼ້າອາຍຸ 4 ປີ ຂອງຕົນຖືກພະຍາດປອດອັກເສບ, ຕ້ອງໄດ້ຮັບການປິ່ນປົວຢູ່ໂຮງໝໍ. ລູກສາວກົກຂອງຂ້າພະເຈົ້າມີອາຍຸ 9 ປີກໍ່ຖືກພະຍາດຜິວໜັງ. ບັນດາທ່ານໝໍໄດ້ແຈກຢາຍຢາ ແລະແນະນໍາໃຫ້ຂ້າພະເຈົ້າວິທີຮັກສາອະນາໄມ, ຮັກສາສຸຂະພາບໃຫ້ຄອບຄົວ, ສະກັດກັ້ນ ແລະ ຕ້ານບັນດາພະຍາດຕິດແປດ... ຂໍຂອບໃຈຄະນະທ່ານໝໍຫວຽດນາມຫຼາຍ.

ທ່ານ ເລແທັ່ງດົງ ເລຂາຄະນະຊາວໜຸ່ມແຂວງຮ່າຕິງ ໃຫ້ຮູ້ວ່າ, ໃນໄລຍະຈະມາເຖິງ, ຄະນະຊາວໜຸ່ມແຂວງຮ່າຕິງ ສືບຕໍ່ເອົາໃຈໃສ່ເປັນພິເສດເຖິງການປະຕິບັດບັນດາເນື້ອໃນບົດບັນທຶກຮ່ວມມື ໄລຍະ 2017-2022 ຂອງຄະນະຊາວໜຸ່ມແຂວງຮ່າຕິງ ແລະແຂວງບໍລິຄໍາໄຊ; ຈັດຕັ້ງບັນດາການເຄື່ອນໄຫວອາສາສະໝັກສາກົນເປັນຢ່າງດີ, ພິເສດແມ່ນບັນດາເຂດຍັງປະສົບກັບຄວາມຫຍຸ້ງຍາກຫຼາຍຢູ່ປະເທດລາວ. ຜ່ານນັ້ນ, ຮັດແໜ້ນສາຍພົວພັນມິດຕະພາບທີ່ເປັນມູນເຊື້ອລະຫວ່າງສອງປະເທດກວ່າອີກ, ປະກອບສ່ວນເຂົ້າຜົນສໍາເລັດລວມໃນວຽກງານພົວພັນຕ່າງປະເທດຂອງສອງແຂວງ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll