ຄະນະຜູ້ແທນສະມາຄົມມິດຕະພາບ ຫວຽດນາມ-ລາວ ເຂົ້າຢ້ຽມຂ່ຳນັບທ່ານ ພັນຄຳ ວິພາວັນ ຜູ້ປະຈຳການຄະນະເລຂາ, ຮອງປະທານປະເທດລາວ

19:32 2019/07/12

ຍສໝ - ໃນຕອນບ່າຍຂອງວັນທີ 12 ກໍລະກົດ 2019, ຢູ່ ນະຄອນຫຼວງວຽງຈັນ ສປປ ລາວ, ຄະນະຜູ້ແທນສະມາຄົມມິດຕະພາບຫວຽດນາມ - ລາວ ໂດຍທ່ານ ຫງວຽນ ວັນ ມີ້, ຮອງປະທານທັງເປັນເລຂານຸການສະມາຄົມມິດຕະພາບຫວຽດນາມ - ລາວ ນຳໜ້າ ໄດ້ເຂົ້າຢ້ຽມຂ່ຳນັບທ່ານ ພັນຄຳ ວິພາວັນ, ຜູ້ປະຈຳການຄະນະເລຂາ, ຮອງປະທານປະເທດລາວ.

ຄະນະຜູ້ແທນສະມາຄົມມິດຕະພາບ ຫວຽດນາມ-ລາວ ເຂົ້າຢ້ຽມຂ່ຳນັບທ່ານ ພັນຄຳ ວິພາວັນ ຜູ້ປະຈຳການຄະນະເລຂາ, ຮອງປະທານປະເທດລາວ
ທ່ານ ຫງວຽນ ວັນ ມີ້ ແລະ ທ່ານ ພັນຄຳ ວິພາວັນ.(ພາບ:vovworld.vn)

ທີ່ການຕ້ອນຮັບ, ທ່ານ ພັນຄຳ ວິພາວັນ ໄດ້ຂອບໃຈສະມາຄົມມິດຕະພາບຫວຽດນາມ - ລາວ ທີ່ໄດ້ຈັດສົ່ງຜູ້ແທນມາເຂົ້າຮ່ວມບັນດາການເຄື່ອນໄຫວເນື່ອງໃນໂອກາດສະເຫຼີມສະຫຼອງ 110 ປີ ແຫ່ງວັນຄ້າຍວັນເກີດ ປະທານ ສຸພານຸວົງ, ສະແດງຄວາມຂອບໃຈຕໍ່ບັນດານ້ຳໃຈ, ການເສຍສະຫຼະຊີວິດຂອງບັນດາຜູ້ທີ່ເຄີຍເຂົ້າຮ່ວມການປົກປ້ອງ, ຮັບໃຊ້ ປະທານ ສຸພານຸວົງ ໃນຊຸມປີທີ່ທ່ານເຄື່ອນໄຫວຢູ່ຫວຽດນາມ. ທ່ານ ພັນຄຳ ວິພາວັນ ຢືນຢັນວ່າການຢ້ຽມຢາມຄັ້ງນີ້ຂອງສະມາຄົມໄດ້ປະກອບສ່ວນຮັດແໜ້ນສາຍພົວພັນລະຫວ່າງ ສອງປະເທດກວ່າອີກ.

ປະທານ ສຸພານຸວົງ ໄດ້ສຸມສະຕິປັນຍາເຫື່ອແຮງເພື່ອຊີ້ນໍາຂະບວນການປະຕິວັດລາວຍາດເອົາໄຊຊະນະອັນຍິ່ງໃຫຍ່ມາສູ່ປະເທດຊາດ. ຊື່ສຽງ ປະທານ ສຸພານຸວົງ ໄດ້ພົ້ນເດັ່ນຂຶ້ນໃນຂະນະທີ່ໄດ້ເປັນນັກຮົບຮັກຊາດຮຸ່ນທຳອິດທີ່ໄດ້ເອົາຊີວິດຜູກພັນກັບການປະຕິວັດຕະຫລອດມາໂດຍບໍ່ຫວັ່ນໄຫວຕໍ່ກັບຄວາມຫຍຸ້ງຍາກລຳບາກ, ມີຄວາມເສຍສະຫລະ, ບໍ່ຫວາດຫວັ່ນຕໍ່ການຈັບກຸມຄຸມຂັງຂອງສັດຕູ, ຍາມໃດກໍຕໍ່ສູ້ເພື່ອອຸດົມຄະຕິປະຕິວັດອັນສູງສົ່ງ ເພື່ອຄວາມເປັນເອກະລາດ, ຄວາມວັດທະນາຖາວອນ, ເພື່ອອິດສະຫລະພາບ ແລະ ຄວາມຢູ່ດີກິນດີຂອງປະຊາຊົນ. ຫລັງຈາກປະເທດຊາດໄດ້ຮັບການປົດປ່ອຍປີ 1975-1995 ປະທານ ສຸພານຸວົງ ໄດ້ນຳພາປະຊາຊົນລາວຜ່ານຜ່າອຸປະສັກຕ່າງໆ ໃນໄລຍະຂ້າມຜ່ານ, ນຳພາປະຊາຊົນດຳເນີນພາລະກິດປ່ຽນແປງໃໝ່ ແລະ ນຳພາປະຊາຊົນສ້າງສາພັດທະນາປະເທດຊາດໃຫ້ຈະເລີນຮຸ່ງເຮືອງເທື່ອລະກ້າວ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll