ຄວາມມຸ້ງມາດປາດຖະໜາ ຢາກຮ່ວມກັບສະຖານທູດ ລາວປະຈຳ ສສ ຫວຽດນາມ ພັດທະນາ ໜັງສືພິມເອລັກໂຕນິກ ເທີ່ຍດ້າຍ ພາກພາສາລາວ

16:54 2019/04/11

ຍສໝ - ນີ້ແມ່ນຄວາມປາດຖະໜາຂອງ ສະຫາຍ ເລ ກວາງ ທ້ຽນ - ບັນນາທິການໃຫຍ່ ໜັງສືພິມເອເລັກໂຕນິກ ເທີ່ຍດ້າຍ ໄດ້ກ່າວໃນໂອກາດທີ່ ໜັງສືພິມເທີ່ຍດ້າຍເຂົ້າອວຍພອນປີໃໝ່ ເອກອັກຄະລັດຖະທູດ ແຫ່ງ ສປປ ລາວ ປະຈຳ ສສ ຫວຽດນາມ ໃນຕອນເຊົ້າຂອງວັນທີ 11 ເມສາ ທີ່ ຮ່າໂນ້ຍ.

ຄວາມມຸ້ງມາດປາດຖະໜາ ຢາກຮ່ວມກັບສະຖານທູດ ລາວປະຈຳ ສສ ຫວຽດນາມ ພັດທະນາ ໜັງສືພິມເອລັກໂຕນິກ ເທີ່ຍດ້າຍ ພາກພາສາລາວ

ຕ່າງໜ້າໜັງສືພິມເທີ່ຍດ້າຍ , ທ່ານ ເລ ກວາງ ທ້ຽນ ໄດ້ມອບດອກໄມ້ ແລະ ຂອງຂັວນ ໃຫ້ແກ່ ທ່ານ ວຽງໄຊ ດາລາແສນ ອັກຄະລັດຖະທູດທີ່ປຶກສາ ສະຖານທູດລາວ ປະຈຳ ສສ ຫວຽດນາມ, ພ້ອມທັງອວຍພອນໄຊ ເຖິງບັນດາພະນັກງານສະຖານທູດ ກໍ່ຄືປະຊາຊົນລາວໂອກາດ ບຸນປະເພນີປີໃໝ່ລາວ. ທ່ານ ເລ ກວາງ ທ້ຽນ ຫວັງເປັນຢ່າງຍິ່ງວ່າ, ມິດຕະພາບອັນຍິ່ງໃຫຍ່ຂອງສອງປະເທດ ແລະ ສາຍພົວພັນການທູດຂອງສອງອົງການໜັງສືພິມເທີ່ຍດ້າຍ ແລະ ໜັງສືພິມຂອງສະຖານທູດລາວ ປະຈຳຫວຽດນາມ ຍາມໃດກໍ່ມີຄວາມເຂັ້ມແຂງ.

ທ່ານ ເລ ກວາງ ທ້ຽນ ບັນນາທິການໃຫ່ຍ ໜັງສືພິມເທີ່ຍດ້າຍ ແລະ ທ່ານ ວຽງໄຊ ດາລາແສນ ອັກຄະລັດຖະທູດທີ່ປຶກສາ ສະຖານທູດລາວ ປະຈຳ ສສ ຫວຽດນາມ.

ທ່ານ ເລ ກວາງ ທ້ຽນ ໄດ້ໃຫ້ຮູ້ວ່າ: ໜັງສືພິມເທີ່ຍດ້າຍ ເອເລັກໂຕນິກ ພາກພາສາລາວ ມີພາລະກິດຮັດແໜ້ນສາຍພົວພັນ ຫວຽດ-ລາວ. ພ້ອມກັນນັ້ນ ສະໜອງຂ່າວສານກ່ຽວກັບປະເທດ, ປະຊາຊົນຫວຽດນາມ ແລະ ແນວທາງນະໂຍບາຍດ້ານການເມືອງກໍ່ຄື ຄວາມມຸ້ງມາດປາດຖະໜາຂອງປະຊາຊົນ ຫວຽດນາມ ແຕ່ອາດີດຮອດປະຈຸບັນ ກໍ່ຄືເສີມສ້າງຄວາມສາມັກຄີ, ມິດຕະພາບ ລະຫວ່າງ ປະຊາຊົນສອງປະເທດ ຢ່າງບໍ່ຢຸດຢັ້ງ. ດ້ວຍບົດບາດ ເປັນຂົວຕໍ່ລະຫວ່າງ ລາວ ກັບ ໜັງສືພິມເທີ່ຍດ້າຍ, ທ່ານຍັງຫວັງອີກວ່າ ສະຖານທູດ ແຫ່ງ ສປປ ລາວ ປະຈຳຫວຽດນາມ ຈະເອົາໃຈໃສ່ ແລະ ປະກອບສ່ວນຄຳຄິດຄຳເຫັນຕື່ມ ເພື່ອຊ່ວຍໃຫ້ໜັງສືພິມເທີ່ຍດ້າຍ ຍາມໃດກໍ່ສາມາດສະໜອງຂ່າວສານອັນຖຶກຕ້ອງ ແລະ ມີປະສິດທິຜົນທີ່ສຸດແກ່ປະຊາຊົນສອງປະເທດ.

ໜັງສືພິມເທີ່ຍດ້າຍ ມອບດອກໄມ້ ອວຍພອນປີໃໝ່ ໃຫ້ແກ່ ສະຖານທູດ ແຫ່ງ ສປປ ລາວ ປະຈຳ ສສ ຫວຽດນາມ.

ໂອກາດນີ້ ທ່ານ ວຽງໄຊ ດາລາແສນ ອັກຄະລັດຖະທູດທີ່ປຶກສາ ໄດ້ສະແດງຄວາມຂອບໃຈ ຕໍ່ກັບຄຳອວຍພອນອັນຈົບງາມຂອງ ທ່ານ ເລ ກວາງ ທ້ຽນ ແລະ ໜັງສືພິມເທີ່ຍດ້າຍ.

ຕີລາຄາສູງຕໍ່ກັບການປະກອບສ່ວນ ແລະ ບົດບາດຂອງໜັງສືພິມເທີ່ຍດ້າຍ ໃນສາຍພົວພັນລະຫວ່າງ ຫວຽດນາມ-ລາວ, ທ່ານອັກຄະລັດຖະທູດທີ່ປຶກສາ, ທູດລາວປະຈຳຫວຽດນາມ ຈະພະຍາຍາມ ສະໜັບສະໜູນ, ເພີ່ມທະວີ ແລະ ເອົາໃຈໃສ່ ໃນການຮ່ວມມືຮັດແໜ້ນ ກັບອົງການໜັງສືພິມເທີ່ຍດ້າຍເວົ້າສະເພາະ ແລະ ໜັງສືພິມຫວຽດນາມ ເວົ້າລວມ. ພິເສດແມ່ນວຽກງານການເພີ່ມປະສິດທິຜົນ, ຄຸນນະພາບໃນການປຸກລະດົມ, ໂຄສະນາເຜີຍແຜ່ ເພື່ອຮັດແໜ້ນສາຍພົວພັນມິດຕະພາບອັນຍິ່ງໃຫຍ່ ຂອງ ຫວຽດນາມ-ລາວ.

ໂອກາດນີ້, ທ່ານ ວຽງໄຊ ດາລາແສນ ໄດ້ອວຍພອນໃຫ້ ໜັງສືພິມເທີ່ຍດ້າຍ ປະສົບຜົນສຳເລັດອັນໃໝ່ ແລະ ເຮັດສຳເລັດໜ້າທີ່ຢ່າງດີ ໃນພາລະກິດຂອງຕົນ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll